ەلباسى نۇرسۇلتان نازاربايەۆ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىندا «اگروونەركاسىپتىك كەشەن ەكونوميكانىڭ جاڭا درايۆەرىنە اينالۋى ءتيىس» دەگەن بولاتىن. وسى ورايدا ەلباسى تاپسىرماسىن ورىنداۋ ماقساتىندا جامبىل وبلىسىندا اتالعان سالا بويىنشا ءتيىستى جۇمىستار جۇرگىزىلۋدە. بۇگىندە وبلىس كولەمىندە اۋىل شارۋاشىلىعى ونىمدەرىن قايتا وڭدەيتىن 210 كاسىپورىندار تىركەلگەن بولسا، ونىڭ ىشىندە 183 كاسىپورىن ناقتى جۇمىس ىستەۋدە. اتالعان كاسىپورىنداردا 2 700-گە جۋىق ادام جۇمىس ورىندارىمەن قامتىلعان. ونىڭ ىشىندە باسىم باعىتتا ءسۇت ءونىمىن تەرەڭدەتە وڭدەۋمەن 18، ەت ءونىمىن تەرەڭدەتە وڭدەۋمەن 21، ماقسارى مايىن وڭدەيتىن 5، استىقتى تەرەڭدەتە وڭدەۋمەن 10، جۇن-تەرىنى وڭدەۋمەن 3، قانت قىزىلشاسىن وڭدەيتىن 2، كوك-ونىستى وڭدەۋمەن 1 جانە تاعى دا باسقا كاسىپورىندار جۇمىس ىستەپ تۇر. اۋىل شارۋاشىلىعى مينيسترلىگىنىڭ قولداۋىمەن 2014 جىلدان بەرى ءسۇت ءونىمىن تەرەڭدەتە وڭدەپ ءونىم وندىرگەنى ءۇشىن بەرىلىپ وتىرعان سۋبسيديانىڭ ناتيجەسىندە كاسىپورىنداردىڭ سانى 18-گە جەتىپ، وسى كاسىپورىندار 2018 جىلى 682 توننا سارى ماي، 800 توننا قاتتى ىرىمشىك، 500 توننا قۇرعاق ءسۇت ءونىمى ءوندىرىلىپ، وندىرىلگەن ونىمدەرگە جالپى 450،1 ميلليون تەڭگە مەملەكەتتىك قولداۋ بەرىلدى. وندىرىلگەن ونىمدەر رەسپۋبليكا، وبلىس جانە ەكسپورتقا رەسەي، قىرعىزىستان، وزبەكستان، جۇڭگو، چەحيا، جاپونيا، باحرەين، يران، گەرمانيا مەملەكەتتەرىنە وتكەرىلۋدە.

   سونىمەن قاتار، وبلىستا 1500-گە جۋىق جەكە قوسالقى شارۋاشىلىقتاردىڭ بىرىگۋىمەن 55 اۋىل شارۋاشىلىعى كووپەراتيۆى جۇمىس اتقارۋدا، ونىڭ ىشىندە 32 ءسۇت، 15 ەت جانە 8 باسقا باعىتتارىندا جۇمىس ىستەيدى. وسى اۋىلشارۋاشىلىعى كووپەراتيۆتەرىن جابدىقپەن قامتاماسىز ەتۋ ءۇشىن جالپى سوماسى 3،7 ميلليارد تەڭگەگە 11 ءمودۋلدى ءسۇت قابىلداۋ پۋنكتى، 5 ءسۇت تاسىمالدايتىن اۆتوكولىك، 3 ءمودۋلدى مال سويۋ الاڭى 1 ەت تاسىمالداۋعا ارنالعان رەفيجيراتور كولىك، 9 ءسۇت باعىتىنداعى كووپەراتيۆ وبلىستاعى وڭدەۋشى كاسىپورىنداردىڭ ءسۇت قابىلداۋ تانكەرلەرىمەن قامتاماسىز ەتىلدى. قازىرگى ۋاقىتتا، جالپى 42 كووپەراتيۆ جۇمىس ىستەۋدە. ونىڭ ىشىندە 31 ءسۇت باعىتىنداعى (8 ءسۇت وڭدەۋشى كاسىپورىنعا ءسۇت وتكىزۋدە)، 8 ەت باعىتىندا جانە 3 باسقا (قۇس، كوكونىس) باعىتتا. وبلىستا بۇل جۇمىستى جۇيەلەۋ ءۇشىن ارنايى «اۋىل شارۋاشىلىعى كووپەراسياسىن دامىتۋ» كارتاسى جانە 2018-2019 جىلدارعا ارنالعان ناقتى ءىس-شارالار جوسپارى دايىندالدى.

دۋلات ايتباي