نۇرسۇلتاندا 4 ماۋسىمدا "نۇر وتان" پارتياسىنىڭ باس عيماراتىنا "سوت ۇكىمىنە نارازىمىز" دەگەن ادامدار جينالىپ، شاعىمدارىن جەتكىزدى دەپ حابارلايدى Qamshy.kz اقپارات اگەنتتىگى ازاتتىق سايتىنا سىلتەمە جاساپ.
بۇل جيىنعا سوت شەشىمىنە نارازى ونداعان ادام جينالعان. ولاردىڭ ىشىندە "زاڭسىز سوت شەشىمىنىڭ نەگىزىندە جالعىز باسپاناسىنان ايىرىلدىق"، "بالاسىنىڭ ءولىمىن دۇرىس تەرگەمەدى"، "جاقىنىن جازىقسىز تۇرمەگە وتىرعىزدى" دەپ كەلگەندەر بار ەكەن.
نارازىلار الماتى، كوكشەتاۋ، پەتروپاۆل مەن پاۆلودار قالالارىنان كەلگەن.
"24 مامىر كۇنى "نۇر وتان" پارتياسىنىڭ اتىنان سايلاۋعا ءتۇسىپ جاتقان قاسىم-جومارت توقايەۆتىڭ بىزبەن كەزدەسۋىن سۇراپ، رەسمي شاقىرۋ جىبەرگەنبىز. بۇگىنگە دەيىن ەشقانداي جاۋاپ كەلگەن جوق. سوندىقتان ءوزىمىز كەلىپ، كەزدەسكىمىز كەلەدى. ءبىز – زاڭسىز سوت شەشىمىن قايتا قاراۋ ءۇشىن ارنايى كوميسسيا قۇرۋدى تالاپ ەتەمىز"، - دەيدى وسى جيىنعا قاتىسۋشى ساناۆار زاكيروۆا.
نۇر-سۇلتان قالاسىندا جۇرگەن الماتىلىق بەلسەندى ساناۆار زاكيروۆا اۋەلدە ءوزىن پوليسەيلەر تورۋىلداپ، "نۇر وتان" پارتياسىنىڭ عيماراتىنا بارۋىنا كەدەرگى كەلتىرگەنىن ايتادى.
پىكىر قالدىرۋ