ق ر پرەزيدەنت مىندەتىن اتقارۋشى قاسىم-جومارت توقايەۆ جۇمىس ساپارىمەن اتىراۋ وبلىسىنا كەلىپ، ءوڭىر قاۋىمىمەن كەزدەستى دەپ حابارلايدى Qamshy.kz اقپارات اگەنتتىگى.

كەزدەسۋ كەزىندە پرەزيدەنت وبلىستاعى ەڭ باستى پروبلەمالارى تۋرالى ءسوز ايتتى.

“جەرگىلىكتى تۇرعىنداردى مازالايتىن ماسەلەلەردىڭ ءبىرى – ەكولوگيالىق احۋال. ەڭ اۋەلى، كاسپيي مەن جايىقتىڭ ايرىقشا الەۋەتىن ساقتاپ، ونى ءتيىمدى پايدالانۋ قاجەت. اتىراۋدىڭ ەكولوگياسى – تەك وبلىستىڭ ىشكى ماسەلەسى ەمەس، ونى شەشۋگە بارلىعىمىز ءبىر كىسىدەي جۇمىلۋعا ءتيىسپىز”، - دەدى ق ر پرەزيدەنت مىندەتى اتقارۋشى.

سونىمەن قاتار، بالىق شارۋاشىلىعى تۋرالى ءوز ويىن جەتكىزدى.

“جايىقتاعى بالىقتاردىڭ حلورعا ۋلانىپ، جاپپاي قىرىلۋى بۇكىل ەلدى الاڭداتتى. 118 تن. بالىق قىرىلدى، ونىڭ 108 تن. – بەكىرە تۇقىمداس. بالىق زاۋىتتارىمىز 60% قۋاتىمەن عانا ىستەپ تۇرعانىن ەسكەرسەك، بۇل – وراسان شىعىن. مەن بۇل جاعدايدى تىكەلەي باقىلاۋعا الدىم”، - مەملەكەت باسشىسى.

ونىڭ ايتۋىنشا، گيدروتەحنيكالىق نىساندار ۇزاق ۋاقىت بويى جوندەلمەگەن جانە جاڭعىرتىلماعان.

“حالىقتى تازا اۋىز سۋمەن قامتاماسىز ەتۋدى ايتپاي كەتۋگە بولمايدى. وزدىگىنەن سۋ شىعارىپ جاتقان 120 ۇڭعىما ءوڭىردىڭ سۋ قورىنا ايتارلىقتاي نۇقسان كەلتىرۋدە. ولار جويىلۋى ءتيىس!” – توقايەۆ.

دايىنداعان: يلدار اديلچەنوۆ