بۇل تۋرالى وڭىرلىك كوممۋنيكاسيالار قىزمەتىنىڭ جۇرمەلى بريفينگىندە ماڭعىستاۋ وبلىسىنىڭ ەنەرگەتيكا جانە ءتۇرعىن-ۇي كوممۋنالدىق شارۋاشىلىق باسقارماسىنىڭ باسشىسى جاندوس ساليموۆ مالىمدەدى
«قۋاتى 5 مۆت قۇرايتىن كەشەننىڭ قۇرىلىسى بارىسىندا 11 جۇمىس ورنى اشىلدى. الداعى ۋاقىتتا 20-دان استام جۇمىس ورنىن قۇرۋعا مۇمكىندىك بار»،-دەيدى «BEST-Group NS» ج ش س كومپانياسىنىڭ وكىلدەرى. اتالعان كومپانيا ستانسيا قۇرىلىسىن 2017 جىلدىڭ كۇز ايىندا باستاعان. مونتاج-قۇرىلىس جۇمىستارىن وتاندىق ماماندار جاساپ، زاۋىتتىڭ تۋربينالارى حالىقارالىق ساپا ستاندارتتارىنا سايكەس سەرتيفيكاتتالعان.
«ماڭعىستاۋ وبلىسىنىڭ اكىمدىگى بىزگە ءتۇپقاراعان اۋدانىنان جەر تەلىمىن بەردى. «دامۋ» قورىنىڭ كەپىلدىگىمەن ءبىز سۋبسيديالاناتىن مولشەرلەمەمەن بانكتەن نەسيە الدىق. جوبانى شەتەلدىك كومپانيالار ينۆەستيسيالاۋدا. اتاپ ايتقاندا، وسى جوبانىڭ سەرىكتەستەرى مەن ينۆەستورلارى امەريكاندىق جانە رەسەيلىك كومپانيالار - Lone Star Renewable Energy Corp (اقش) جانە «ەنەرگوتەحسەرۆيس» جشق (رەسەي). جالپى جوبانى ىسكە اسىرۋداعى باستى ماقساتىمىز – جەل ەلەكتر ستانسيالارىن پايدالانۋ ارقىلى نەگىزگى ەنەرگيا كوزدەرىن اۋىستىرۋ، قازاقستانداعى پارنيكتىك گاز قالدىقتارىن ازايتۋ، سول ارقىلى كليماتتىڭ وزگەرۋى تۋرالى بۇۇ-نىڭ نەگىزدەمەلىك كونۆەنسياسىنا سايكەس جۇمىس جاساۋ. ەندى ءبىر ايدان سوڭ ءبىز ءوز ونىمدەرىمىزدى ساتا باستايمىز. ءونىمدى ساتىپ الۋشىلار «ەسەپتەۋ جانە قارجى ورتالىعى» ج ش س بولماق. گەرمانيا ەلىندە جاسالعان قوندىرعىلاردىڭ ارقاسىندا ستانسيا، جەل قۋاتىن پايدالانۋ ارقىلى ەلەكتر ەنەرگياسىن ءوندىرىپ، وعان قاجەتتىلىكتى تولىق وتەيتىن بولادى. اقشۇقىر اۋىلىنىڭ تۇرعىندارىنا سونداي-اق اۋىل ماڭىنداعى ءوندىرىس وشاقتارىمەن جىلىجايلارعا ەلەكتر قۋاتى تاپشىلىعىن جويادى» - دەيدى جوبانىڭ دامۋ جونىندەگى ديرەكتورى گۇلنار ءابيتوۆا.
ماڭعىستاۋ وبلىسىندا جاڭارتىلاتىن ەنەرگيا كوزدەرىن دامىتۋ باعىتىندا بىرنەشە جوبالار ىسكە اسىرىلۋدا. 2018 جىلدىڭ مامىر ايىنان باستاپ مۇنايلى اۋدانى، باتىر سەلوسىندا قۋاتى 2 مۆت كۇن ەلەكتر ستانسياسى ىسكە قوسىلدى. بۇدان بولەك ءتۇپقاراعان اۋدانى، فورت-شيەۆچەنكو قالاسىندا ەكى بىردەي جوبا ىسكە اسپاق. ماۋسىم ايىندا پايدالانۋعا بەرىلەتىن 42 مۆت كۇن ەلەكتر ستانسياسى مەن جىل سوڭىندا ىسكە قوسىلاتىن 43 مۆت جەل ەلەكتر ستانسياسىنىڭ قۇرىلىس-مونتاجداۋ جۇمىستارى قارقىندى جۇرگىزىلۋدە. سونىمەن قاتار قازىرگى تاڭدا ەنەرگەتيكا مينيسترلىگىمەن ءۇش جوبانى جۇزەگە اسىرۋ بويىنشا جۇمىستار جاساقتالىپ جاتىر. ولار بەينەۋ اۋدانى، بەينەۋ اۋىلىندا، قاراقيا اۋدانى، جەتىباي اۋىلىندا، ماڭعىستاۋ اۋدانى، شەتپە اۋىلىندا قۋاتى 10-15 مۆت قامتيتىن جەل جانە كۇن ەلەكتر ستانسياسىنىڭ كەشەندى جۇمىستارىنىڭ جوسپارى دايىندالۋدا» - دەدى ماڭعىستاۋ وبلىسىنىڭ ەنەرگەتيكا جانە ءتۇرعىن-ۇي كوممۋنالدىق شارۋاشىلىق باسقارماسىنىڭ باسشىسى جاندوس ساليموۆ
«جاسىل ەكونوميكانى» دامىتۋدىڭ باسىمدىقتارىنىڭ ءبىرى جاڭارتىلاتىن ەنەرگيا كوزدەرى بولىپ تابىلادى. مەملەكەت باسشىسى 2020 جىلعا دەيىن جاڭارتىلاتىن ەنەرگيا كوزدەرىنىڭ 3% -ىن، 50 جىلعا قاراي 50% -ىن قامتاماسىز ەتۋدى تاپسىردى. بۇل وتە اۋقىمدى مىندەت.
پىكىر قالدىرۋ