وزگە ادامنىڭ اتىنا انىقتاما الماق بولعان ەر ادام حقكو قىزمەتكەرىن سوققى جىقتى دەپ حابارلايدى Qamshy.kz اقپارات اگەنتتىگى. ول تۋرالى "ازاماتتارعا ارنالعان ۇكىمەت" مەملەكەتتىك كورپوراسياسىنىڭ بايلانىس ءبولىمىنىڭ ديرەكتورى مۇرات جۇمانباي Facebook پاراقشاسىندا جاريالادى.

نۇر-سۇلتان قالاسىنداعى حالىققا قىزمەت كورسەتۋ ورتالىعىنا مەكەنجاي انىقتاماسىن الۋعا كەلگەن ەر ادامنىڭ قۇجاتتاعى تۇرىنە كۇماندانعان مەملەكەتتىك كورپوراسيانىڭ قىزمەتكەرى ودان تۋعان كۇنىن ايتۋدى سۇراعان. ويتكەنى الدىنا كەلگەن ازامات پەن قۇجاتتاعى ادامنىڭ تۇرلەرى ەكى بولەك بولعان.

الايدا، ازامات قويىلعان سۇراققا جاۋاپ بەرە الماي، قىزمەتكەردى بالاعاتتاپ، بوقتىق سوزدەرمەن قورلاي باستاعان. ءبولىم مەڭگەرۋشىسى ءتارتىپ ساقشىلارىن شاقىرعان كەزدە، ول كوشەگە جۇگىرىپ شىعىپ، بەلگىسىز باعىتقا قاشىپ كەتكەن.

كەيىن بەلگىلى بولعانداي، حقكو-عا بالاسى بار ايەل كۇيەۋىنىڭ اتىنا انىقتاما الماق بولعان. كەلىنشەك كەزەكتە تۇرعان ەر ادامنان انىقتاما الىپ بەرۋىن وتىنگەن. بولعان جاعدايدان كەيىن كەلىنشەك تە قىزمەت كورسەتۋ ورتالىعىنان كەتىپ قالعان.

سوققىعا جىعىلعان قىزمەتكەر پوليسياعا ارىز جازدى. ەر ادامدى ءتارتىپ ساقشىلارى ىزدەستىرىپ جاتىر.