"التىن BMW" كولىگىن الىپ كەتپەك بولعان پوليسەيمەن جۇلقىلاسقان، ەۆاكۋاتوردىڭ ۇستىنە شىعىپ العان قىزدىڭ ارەكەتى بەينەلەنگەن ۆيدەو تۋرالى قالالىق پوليسيا باسقارماسى تۇسىنىكتەمە بەردى دەپ حابارلايدى Qamshy.kz اقپارات اگەنتتىگى Zakon.kz سايتىنا سىلتەمە جاساپ.

"ءتارتىپ ساقشىسىنىڭ فورماسىنداعى ەر ادام مەن ايەلدىڭ جاعا جىرتىسى تۋرالى ۆيدەوماتەريال الماتى قالالىق پوليسيا دەپارتامەنتىندە تولىق زەرتتەلىپ، ناتيجەسىندە بۇل روليكتىڭ جاساندى ءتۇسىرىلىم رەتىندە جاسالعانى جانە پوليسيا قىزمەتكەرلەرىنە ەشبىر قاتىسى جوق ەكەنى انىقتالدى. تەكسەرۋ امالدارى بارىسىندا بۇل روليك انگە ءتۇسىرىلىپ جاتقان بەينەباياننىڭ ءۇزىندىسى بولىپ شىقتى"، - دەپ مالىمدەدى قالالىق پوليسيا دەپارتامەنتىنىڭ باسپا ءسوز قىزمەتى.

ال پروديۋسەرلىك ورتالىقتىڭ وكىلى بۇل ۆيدەونى تۇسىرۋدەگى ماقسات ءتارتىپ ساقشىلارىنىڭ نامىسىنا ءتيىپ، قىزمەتتەرىن كەلەكە ەتۋدى ەمەس، جول ەرەجەسىن بۇزعان جۇرگىزۋشىلەردىڭ وسىنداي بەيادەپ قىلىقتارعا باراتىنىن كورسەتكىسى كەلگەنىن ايتادى.