5-7 ماۋسىم ارالىعىندا شىعىس قازاقستان وبلىسىندا جانە 6-7 ماۋسىم جامبىل، تۇركىستان، الماتى وبلىستارىندا جاڭبىرعا بايلانىستى وزەندەردە سۋ دەڭگەيىنىڭ كوتەرىلۋى كۇتىلەدى دەپ حابارلايدى Qamshy.kz اقپارات اگەنتتىگى "قازگيدرومەت" رمك مالىمەتتەرىنە سۇيەنە وتىرىپ. 

قازاقستانعا تروپوسفەرالىق اعىندارمەن بارەنس تەڭىزى ايماعىنان دىمقىل جانە سالقىن اۋا ءتۇسۋىن جالعاستىرادى. سوندىقتان قازاقستاننىڭ كوپتەگەن وبلىستارىندا نايزاعايمەن وتكىنشى جاڭبىر جانە ۇيتقىمالى جەل سوعادى.

رەسپۋبليكامىزدىڭ سولتۇستىك جارتىسىندا جوعارعى سيكلوننىڭ ىقپالىنان كەي جەرلەردە قاتتى جاڭبىر جاۋادى. ال باتىس وبلىستارىنا جوعارعى اتموسفەرالىق قىسىم تارالادى، سوندىقتان جاۋىن-شاشىنسىز، تەمپەراتۋرا كليماتتىق نورماعا جاقىن بولادى.

6-7 ماۋسىم كۇندەرى الماتى قالاسىنىڭ ىرگەلەس اۋماقتارىندا نوسەر جاڭبىردىڭ بولۋىنا بايلانىستى، كەي جەرلەردە قاتتى اعىننىڭ قالىپتاسۋى جانە وزەندەردە سۋ دەڭگەيىنىڭ كوتەرىلۋى كۇتىلەدى.

06 ماۋسىمدا بولاتىن ەرەكشە مەتەورولوگيالىق قۇبىلىستارعا نازار اۋدارساق، اقمولا، سولتۇستىك قازاقستان وبلىستارىنىڭ كەي جەرلەرىندە تۇمان، داۋىل، جەل 15-25 م/س كۇتىلەدى، كۇندىز بۇرشاق بولۋى مۇمكىن. شىعىس قازاقستان، پاۆلودار وبلىستارىنىڭ كەي جەرلەرىندە جەل 15-20 م/س، شىعىس قازاقستان وبلىسىندا ەكپىنى 23-28 م/س، كۇندىز كەي جەرلەردە داۋىل، بۇرشاق جاۋادى.

قوستاناي وبلىسىنىڭ كەي جەرلەرىندە داۋىل، جەل تۇندە كەي جەرلەردە 15-20، كۇندىز باسىم بولىگىندە 15-20، ەكپىنى 23 م/س كۇشەيەدى، كۇندىز بۇرشاق بولۋى ىقتيمال. قاراعاندى وبلىسىنىڭ كەي جەرلەرىندە داۋىل، بۇرشاق، جەل 15-20 م/س كۇتىلەدى. اقتوبە، تۇركىستان وبلىستارىنىڭ كەي جەرلەرىندە جەل 15-20 م/س، تۇركىستان وبلىسىنىڭ كەي جەرلەرىندە داۋىل بولادى. الماتى، كۇندىز باتىس قازاقستان وبلىستارىنىڭ كەي جەرلەرىندە جەل 15-20 م/س كۇتىلەدى، الماتى وبلىسىنىڭ كەي جەرلەرىندە كۇندىز بۇرشاق بولۋى مۇمكىن.

كۇندىز قىزىلوردا وبلىسىنىڭ كەي جەرلەرىندە شاڭدى داۋىلمەن، جەل 15-20 م/س دەيىن كۇشەيەدى. جامبىل وبلىسىنىڭ كەي جەرلەرىندە داۋىل بولادى، جەل 15-20، كۇندىز ەكپىنى 23-28 م/س، وبلىستىڭ وڭتۇستىك-باتىسىندا 30 م/س كۇشەيەدى.

ماڭعىستاۋ وبلىسىندا كۇندىز قاتتى ىستىق ساقتالادى.