الماتى وبلىسىندا جولاۋشى ايەلدەردى تونادى دەگەن 27 جاستاعى كۇدىكتى ۇستالدى دەپ حابارلايدى Qamshy.kz اقپارات اگەنتتىگى ءوڭىردىڭ پوليسيا دەپارتامەنتىنە سىلتەمە جاساپ.
3 ماۋسىمدا پوليسياعا قىزىلجار اۋىلىندا تۇراتىن ايەل شاعىم ءتۇسىردى. ونىڭ ايتۋىنشا، تاكسي جۇرگىزۋشىسى توناپ، زورلاماق بولىپتى. قاسكۇنەم تەلەفون مەن 92 مىڭ تەڭگەنى تارتىپ العان ەكەن.
ءتارتىپ ساقشىلارى ءىزىن سۋىتپاي كۇدىكتىنى قولعا ءتۇسىردى.
"تەكسەرىس بارىسىندا ۇستالعان ازاماتتىڭ تاعى ءبىر قىلمىسقا قاتىسى بار بولىپ شىقتى. ول بيىل مامىردا ەسىك قالاسىندا تۇراتىن جاس قىزدى توناعان. ەكى جاعدايدا دا كۇدىكتى اۋەلى ايەلدەردى زورلاماق بولىپتى، ءبىراق ولار قاتتى قارسىلىق كورسەتكەن سوڭ، جابىرلەنۋشىلەردىڭ اشەكەي بۇيىمدارى، ۇيالى تەلەفوندارى مەن اقشالاي قاراجاتىن توناپ كەتكەن"، - دەپ حابارلادى ۆەدومستۆو.
ءقازىر ەر ادام ۋاقىتشا ۇستاۋ اباقتىسىندا وتىر. تەرگەۋ بارىسىندا ونىڭ باسقا قىلمىستارعا قاتىسى بارى انىقتالادى.
پىكىر قالدىرۋ