پەتروپاۆلدا تۇڭعىش رەت شاپالاق ۇرۋدان تۋرنير وتەدى، دەپ حابارلايدى Qamshy.kz اقپارات اگەنتتىگى پەتروپاۆلوۆسك.news   سايتىنا سىلتەمە جاساپ. 

ءبىرىن-بىرى تانىمايتىن ادامدار 8 ماۋسىم كۇنى №26 مەكتەپتىڭ جانىنا جينالىپ، شاپالاقتاسۋدان جارىسادى.

جارىس وتكىزۋدىڭ ناقتى ەرەجەلەرىن ەنگىزدىك، الەۋمەتتىك جەلىلەردە توپتار قۇردىق. ءبارى ءساتتى شىقسا، تۋرنير وتەدى. كوڭىل كوتەرۋگە دە، تابىس تابۋعا دا مۇمكىندىك، – دەيدى ءادىلحان شۋكانوۆ.

"بىرىنشىدەن، قاتىسۋشىلاردىڭ جاسى 18-گە تولعان بولۋى ءتيىس، ەكىنشىدەن، ەشكىم اۋىر جاراقات الىپ قالماۋى ءۇشىن شاپالاق-سوققى تولىق الاقانمەن ەمەس، ساۋساق ۇشتارىمەن جاسالادى. جەكپە-جەك بەس راۋندتان تۇرادى، قاتىسۋشىلاردىڭ ءبىرى جەڭىلىسىن مويىنداماسا، جەڭىمپازدى بەس راۋندتان كەيىن تورەشىلەر انىقتايدى"، - دەپ ءتۇسىندىردى سەرگەي شۆەس.

ۇيىمداستىرشۋلاردىڭ ايتۋىنشا، تۋرنيردە مەديسينالىق قىزمەتكەر بولادى. الايدا وزگە ەلدەردىڭ مۇنداي تۋرنير وتكىزۋ تاجىريبەسى كورسەتكەندەي، شاپالاقتان اۋىر جاراقات بولا قويمايدى.

مۇنداي تۋرنيرلەر اقش-تا وتە تانىمال. بىلتىردان بەرى رەسەيدە دە ءبىرىن-بىرى شاپالاقپەن ۇرۋدان چەمپيونات وتە باستادى.