بارلىق شارا كۇشەيتىلگەن رەجيمگە ساي اتقارىلادى جانە قوعامدىق ءتارتىپتى بۇزۋ ارەكەتتەرى بولسا، ءتيىستى شارا قولدانىلادى دەپ حابارلايدى Qamshy.kz اقپارات اگەنتتىگى كوميتەت ءتوراعاسىنىڭ مالىمدەمەسىنە سۇيەنىپ. 

الايدا، سايلاۋ كەزىندە ادامداردىڭ جينالۋىنا تىيىم سالىنبايدى.

"بىرىنشىدەن، رۇقسات ەتىلمەگەن ميتينگ بولسا، ءبىزدىڭ نەگىزگى مىندەتىمىز – قوعامدىق ءتارتىپتى ساقتاۋ. ونداي شارالار كەز كەلگەن جاعدايدا اتقارىلادى. سايلاۋ كۇنى ادامداردىڭ كوپ جينالۋىنا جول بەرمەيمىز. ءبىز ءبارىن جوسپار بويىنشا اتقاراتىن بولامىز. ارينە، ىشىمدىك ءىشۋ، قوعامدىق ورىندا ماس كۇيدە ءجۇرۋ سياقتى ءتارتىپ بۇزۋشىلىق بولسا، مىندەتتى تۇردە شارا قولدانامىز"، - دەيدى بايبولوۆ.

ءاربىر وڭىرلىك ورگان ءوزى ورنالاسقان جەردە ءتارتىپتى باقىلايتىن بولادى.

"سايلاۋ وتەتىن كۇنى بارلىق ايماقتاردا ءتارتىپتى قاداعالاۋ شارالارى جۇرگىزىلەدى. بۇل – زاڭ تالابى. نەگىزى، ارتىق شىعىن شىقپايدى دەگەن جوسپار بار. مۇنىڭ ءبارى قوعامدىق تارتىپكە بولىنەتىن قاراجاتتىڭ ەسەبىنەن بولادى. ايماقتاردان قوسىمشا كۇش تارتىلمايدى. "، - دەدى بايبولوۆ.

ونىڭ ايتۋىنشا، بۇگىندە ناقتى نۇسقاۋ بار. قۇقىق قورعاۋشىلار قوعامدىق ءتارتىپتى قاداعالاۋعا شىققاندا ارنايى قۇرال-جابدىقتارىن دا الىپ شىعادى. بۇنىڭ ءبارى نورماتيۆتىك-قۇقىقتىق اكتىلەرمەن بەكىتىلگەن.

–زاڭدا قارۋدى جانە ارنايى قۇرال-جابدىقتاردى قولدانۋ شارتتارى جازىلعان. ءدال ءقازىر اتاپ ايتا المايمىن. ويتكەنى قاتەلەسۋىم مۇمكىن. ءبىراق زاڭعا باعىنباۋ نەمەسە ازاماتتاردىڭ ءومىرى مەن دەنساۋلىعىنا ءقاۋىپ ءتوندىرۋ سياقتى ارەكەتتەر بولسا، ارنايى قۇرالداردى قولدانۋعا رۇقساتىمىز بار، - دەيدى بايبولوۆ.

 وقي وتىرىڭىز:

"بۇل بىرەۋدەن قورعانۋ ءۇشىن ەمەس": 21 مىڭنان استام پوليسەي جۇمىسقا شىعادى