جەلىدە اق جاۋلىقتى اپانىڭ كەزەكتەن تىس پرەزيدەنت سايلاۋىنا قاتىسىپ جاتقان كانديدات ءارى ق ر پرەزيدەنتى قاسىم-جومارت توقايەۆتىڭ ايماقتارداعى شتابىنىڭ بىرىندە سويلەگەن ءسوزى كەڭىنەن تاراپ كەتتى دەپ حابارلايدى Qamshy.kz اقپارات اگەنتتىگى.

ۇلكەن زالدا ادام قاراسىنىڭ قالىڭ ەكەنى بايقالادى. ال ەگدە جاستاعى اپا ارتىندا ۇلكەن ەكراندا "توقايەۆ" دەگەن جازۋى بار ساحناعا شىعىپ، قولىنا ميكروفون الىپ ءسوز سويلەدى. 

"ارداقتى اعايىن! الدا كەلە جاتقان ساياسي ناۋقاندا ءبىر ادامداي بىرىگىپ، اتسالىسۋىمىز كەرەك. مەن بۇل ەلدەگى ارەكەت ەتۋشى ساياسي جۇيەدەن شارشادىم. قازاق ەلىنە ادىلدىك، شىندىق، بوستاندىق كەرەك. تاۋەلسىزدىگىمىزدى ادىلەتسىزدىكتەن ساقتاۋ ءۇشىن قازىرگى جۇيە وزگەرۋى كەرەك. ساياسي جۇيەنى وزگەرتەتىن بىردەن ءبىر كانديدات - ءامىرجان قوسانوۆ"، - دەدى ول. 

زالدا جينالعان كوپشىلىكتىڭ كۇتپەگەن جاعداي ورىن العان كەزدە قىران-توپان كۇلكىگە باتقانىن بايقاۋعا بولادى.