2019 جىلدىڭ 9-ماۋسىم كۇنى قازاقستان رەسپۋبليكاسى پرەزيدەنتىنىڭ سايلاۋى وتكەن بولاتىن. ەلىمىزدە 9968 سايلاۋ ۋچاسكەسى ءوز مىندەتتەرىن تولىق اتقاردى. ءبىراق سايلاۋ بارىسىندا تاسپاعا ءتۇسىپ قالعان زاڭ بۇزۋشىلىقتار وتە كوپ. سولاردىڭ بىرنەشە توپتاماسى Instagram جەلىسىندە قىزۋ تالقىعا ءتۇسىپ جاتىر دەپ جازادى Qamshy.kz اقپارات اگەنتتىگى.
جەلىدە سايلاۋ ۋچاسكەسىندە كوپتەگەن زاڭعا قاراما-قايشى ارەكەتتەر ورىن العان. باقىلاۋشىلار بۇل جاعدايدى ۆيدەوعا ءتۇسىرىپ، الەۋمەتتىك جەلىگە جولداپ وتىرعان. سونداي باقىلاۋشىلاردىڭ ءبىرى ءاليا يسەنوۆا ءوز پاراقشاسىندا بىرنەشە ۆيدەومەن ءبولىستى.
«بۇگىن كۇنى بويى سايلاۋدا باقىلاۋشىمىن. تاڭنىڭ اتىسىنان تۇنگى ساعات 00:00-گە دەيىن سايلاۋ ۋچاسكەلەرىنىڭ بىرىندە بولامىن»،- دەدى ول ءوز بيۋللەتەنىن سۋرەتكە ءتۇسىرىپ، جەلىگە جۇكتەگەن العاشقى جازباسىندا.
سايلاۋدىڭ قورىتىندىسىن شىعارۋ ءۇشىن، بەرىلگەن داۋىستاردى ساناۋ كەزىندە يسەنوۆا حانىمدى ساناۋعا ارالاسپاۋىن تالاپ ەتكەن.
«استانا قالاسىنىڭ 35-سايلاۋ ۋچاسكەسىنىڭ ءتوراعاسى داۋىس ساناۋدان باس تارتتى. بارلىق التى باقىلاۋشى بولمەنىڭ باسقا بولىگىنە بارمايىنشا، ساناۋدى باستامايتىنىن ايتتى. جاشىكتى اشىپ، ىشىندە نە بار ەكەنىن كورسەتپەدى. مەنىڭ كوزىمشە بيۋللەتەن ساناۋدان تۇبەگەيلى باس تارتتى. مەن قوسانوۆ دەپ بەلگىلەنگەن بيۋللەتەندى توقايەۆتىڭ قاتارىنا قوسقانىن بايقادىم. مەن شاتاستىرىپ العانىن ەسكەرتتىم. مەن ولارعا «سايلاۋ» زاڭىنىڭ 43 بابى بويىنشا باقىلاۋشى بيۋللەتەن كورىنەتىن جەردە تۇرۋعا قۇقىلى ەكەنىن ءتۇسىندىردىم. كوميسسيا ءتوراعاسى وسپانوۆا بايان نۇرعالييەۆنا پوليسيا قىزمەتكەرلەرىن شاقىرتتى. بۇل جەردە ەرەجەنى ءوزىنىڭ قوياتىنىن جانە باقىلاۋشىلار باسقا بۇرىشتا وتىرۋ كەرەكتىگىن جەتكىزدى. ءۇش وفيسەر كەلىپ، مەنى بيۋللەتەن كورىنەتىندەي جەرگە الىپ كەتتى. داۋىس ساناۋ توقتاتىلىپ تۇر. مەنى ۋچاسكەدەن پوليسيا قىزمەتكەرلەرى شىعارمايىنشا، داۋىس ساناۋدى باستاۋدان باس تارتاتىنىن ايتتى. پوليسيا وىزمەتكەرلەرى وزدەرىن جاقسى ۇستاپ تۇر. بىر-ەكەۋى مەنىڭ وقىرماندارىم ەكەن. داۋىس سانالىپ جاتقان جوق. ماسەلە مىنادا، ول جەردە قاجەت بولعان ادامنان گورى قارسىلاسىنىڭ داۋىسى وتە كوپ بولىپ تۇر»،- دەيدى باقىلاۋشى كەلەسى جازبادا.
تاعى وسى سەكىلدى №35-ۋچاسكەنىڭ جۇمىسى جايلى جازبالار بار. ورەسكەل زاڭ بۇزۋشىلىقپەن اينالىسقاندار تۋرالى ۆيدەولار وتە كوپ. كەيبىر بەينەماتەريالدى قاراساڭىز "قازاقپىز عوي" دەگەن ءسوز كوپ قولدانىلادى. ءبىز قازاق حالقى سوندا ادىلدىكتى، ادىلەتتىلىكتى ۇناتپايمىز با، الدە باعىنىشتى حالىقپىز با، بولماسا بۇيرەگىمىز باسشىلىققا بۇرىپ تۇرادى ما؟
وسى سەكىلدى ۆيدەولار توپتاماسىن رينات زايىتوۆتا جۇكتەپ وتىردى.
پوسموترەت ەتۋ پۋبليكاسيۋ ۆ Instagram
پىكىر قالدىرۋ