ماڭعىستاۋ وبلىسى ءبىلىم باسقارماسىنىڭ ۇيىمداستىرۋىمەن تەڭىز جاعالاۋىنداعى باسكەتبول الاڭىندا  وبلىستىق مەكتەپ وقۋشىلارى اراسىندا «دارابوز» سپورتتىق-ينتەللەكتۋالدىق تەلەجوباسىنىڭ اقتىق سايىسى وتكىزىلدى.

تارتىستى وتكەن سايىستا جاڭاوزەن قالاسىنىڭ №21 ورتا مەكتەبى كومانداسى جەڭىمپاز اتانسا، ەكىنشى ورىندى ماڭعىستاۋ اۋدانىنىڭ س.نۇرنياز ۇلى مەكتەپ-ينتەرناتى كومانداسى يەلەندى.

ال ءۇشىنشى ورىندى  قاراقيا اۋدانىنىڭ  №3 ورتا مەكتەبى مەن  ماڭعىستاۋ اۋدانىنىڭ ا.مەڭدالى ۇلى ورتا مەكتەبىنىڭ كوماندالارى ءبولىستى.

سايىس جەڭىمپازدارى ءبىلىم باسقارماسىنىڭ كۋبوگىمەن، ال جۇلدەگەر كوماندالار ديپلومدار مەن ماقتاۋ قاعازدارمەن ماراپاتتالدى.                                                                                         

جەڭىمپاز كومانداعا كوكشەتاۋداعى رەسپۋبليكالىق «بالداۋرەن» جازعى دەمالىس كەشەنىندە دەمالۋعا جولداما بەرىلدى، ولار قىركۇيەك ايىندا وتەتىن رەسپۋبليكالىق «مەن - چەمپيون» سايىسىنا قاتىسادى.