ماڭعىستاۋ وبلىسىنىڭ اكىمى ەرالى توعجانوۆ ۇكىمەتتىك ەمەس ۇيىمداردىڭ وكىلدەرى جانە وبلىستىڭ قوعام بەلسەندىلەرىمەن كەزدەستى. ەركىن فورماتتاعى جيىندا الەۋمەتتىك سالا، دەنساۋلىق، ءبىلىم، بالا تاربيەسى تاقىرىبىنداعى ماسەلەلەر تالقىلانىپ، ءوڭىر ءۇشىن وزەكتى سۇراقتار كوتەرىلدى. ەستەرىڭىزگە سالا كەتەيىك، وتكەن جىلى قوعام بەلسەندىلەرى مەن ۇكىمەتتىك ەمەس ۇيىمدار تاراپىنان قويىلعان 42 سۇراق ايماق باسشىسىنىڭ ءجىتى قاداعالاۋىمەن وڭ شەشىمىن تاپقان بولاتىن. قوعام بەلسەندىلەرى بۇگىنگى جيىندا دا تۇرعىنداردى تولعاندىرىپ جۇرگەن وزەكتى ماسەلەلەردى ورتاعا سالىپ، ءوز ۇسىنىستارىن جەتكىزدى.

كەزدەسۋ بارىسىندا وبلىس اكىمى قوعامدىق كەڭەستەر مەن جۇمىستارعا بەلسەندى اتسالىسىپ جۇرگەن ءبىرقاتار ازاماتتارعا العىس بىلدىرە وتىرىپ، قوزعالعان ماسەلەلەر وڭ شەشىمىن تابۋ ءۇشىن جەكە قاداعالاۋىنا الاتىنىن جەتكىزدى. سونىمەن قاتار، كەيبىر ورتاق سۇراقتاردى ءوڭىردىڭ قوعام بەلسەندىلەرىمەن بىرگە قاراستىرۋعا ءازىر ەكەندىگىن ايتتى.

ايماق باسشىسى ازاماتتارمەن جۇزبە ءجۇز كەزدەسىپ، ماسەلەمەن جاقىن تانىسۋ ماقساتىندا وتكەن جىلدان بەرى وڭىردەگى 61ەلدى-مەكەندى تۇگەل ارالاپ شىققان. جۇمىس ساپارى كەزىندە مىڭداعان تۇرعىنمەن كەزدەسىپ، 140 حاتتامالىق تاپسىرما بەرگەن. بۇگىندە ونىڭ 80 ناقتى ورىندالسا، قالعانى باقىلاۋعا قويىلدى.