كەشە 10 ماۋسىمدا نۇر-سۇلتان مەن الماتىدا بولعان ميتينگ كەزىندە پوليسياعا 200 ادام جەتكىزىلدى دەپ حابارلايدى Qamshy.kz اقپارات اگەنتتىگى. 

"ميتينگتىڭ ءبىرىنشى كۇنى ەكى قالادا 500 ادام ۇستالىپ، ولاردىڭ 400-نە ايىپپۇل سالىندى. ەكىنشى كۇنى شامامەن 200 ادام پوليسياعا جەتكىزىلدى، ولاردىڭ 150ء-ى جاۋاپكەرشىلىككە تارتىلدى. بۇل ەكى قالا بويىنشا"، - دەدى ءىىم رەسمي وكىلى ءنۇردىلدا وراز.

سونداي-اق، ءىىم باسپا ءسوز قىزمەتى نۇر-سۇلتان مەن الماتىدا وتكەن ميتينگىلەرگە قاتىستى پىكىر ءبىلدىردى. "ءبىز وسىعان دەيىن دە حابارلاعانداي، پوليسيا قىزمەتكەرلەرى، ۇلتتىق گۆارديا مەن ءىىم بولىمشەلەرى قوعامدىق قاۋىپسىزدىك دەڭگەيىن ءبىرقالىپتى ۇستاپ تۇردى، ناتيجەسىندە ازاماتتار پرەزيدەنت سايلاۋى كەزىندە ەركىن تۇردە داۋىس بەردى. 9 903 سايلاۋ ۋچاسكەسىنىڭ بىردە بىرەۋىندە قوعامدىق ءتارتىپ بۇزىلعان جوق"، - دەدى ءىىم باسپا ءسوز قىزمەتى.