سايلاۋ كۇنى الەمنىڭ ءار مەملەكەتىندە جۇرگەن قازاق ازاماتتارى، قازاقستاننىڭ بۇرىنعى تۇرعىندارى ەل تاعدىرىنا الاڭداپ، سايلاۋعا بەلسەندى تۇردە اتسالىستى دەپ حابارلايدى Qamshy.kz اقپارات اگەنتتىگى.

Boke Abikaev ەسىمدى قولدانۋشى جەكە پاراقشاسىنا گەرمانيا ەلىندەگى قازاقستاننىڭ بۇرىنعى تۇرعىندارى نەمىس ۇلت وكىلدەرىنىڭ قازاق دالاسىنا، قازاق حالقىنا دەگەن العىسى رەتىندە ءدال سايلاۋ كۇنى ءانۇرانىمىزدى ويناتىپ قويىپ، ەلىمىزدىڭ كوك تۋىن كوككە كوتەرىپ، قۇرمەت كورسەتكەنىن بەينەلەگەن ۆيدەو سالعان ەكەن.

ۆيدەوعا "وتاندى ءسۇيۋدى مىنا نەمىستەردەن كورىڭدەر. الىستا، باسقا مەملەكەتتە جۇرسە دە جۇرەكتەرى قازاق دالاسىندا. مىڭ العىس بۇلارعا. قازاقتار، كورسەڭدەر، بىرىگىڭدەر، جان-جاققا  تاراماي تۇرعاندا!" دەگەن جازبا قالدىرعان. 

"سايلاۋ كۇنى ءبىزدىڭ تاڭداۋىمىزسىز-اق تاڭداۋ جاساسا دا، تۋدى كوتەرەمىز. جەرلەستەرگە سالەم جولدايمىز!" دەيدى ۆيدەو اۆتورى.