جوبا مەملەكەتتىك-جەكەشەلىك ارىپتەستىك نەگىزىندە جۇزەگە اسادى.
بيىلعى جىلى قالانى كوگالداندىرۋ جۇمىسى بويىنشا «كاسپييدورموستوستروي» ج ش س جۇمىس جاسايتىن بولادى. ءمجا نەگىزىندە مەكەمە وبلىس ورتالىعىن كوگالداندىرۋ، سۋارۋ جۇيەلەرىن جوندەۋ، سونداي-اق، جالپى ۇزىندىعى 147 شاقىرىم بولاتىن جاڭا سۋ قۇبىرلارىن سالۋ بويىنشا جۇمىستار جۇرگىزەدى. مەكەمەمەن بەس جىلعا كەلىسىم شارت جاسالدى.
- ءبىز بيىلعى جىلدىڭ 13ء-شى ساۋىرىنەن باستاپ جۇمىسقا كىرىسىپ كەتتىك. بۇگىنگى كۇنگە دەيىن ساياباقتاردا، الاڭداردا جانە گۇلزارلاردا شامامەن 12 مىڭ شارشى مەتر ءبىر جىلدىق گۇلدەر وتىرعىزىلدى. ولاردى كۇنتىزبە بويىنشا سۋارۋ جۇمىستارى جۇرگىزىلىپ جاتىر. ودان بولەك، ءبىز ەكى ايدىڭ ىشىندە 39 كوشەنى قايتا قالپىنا كەلتىرىپ، 16 ايماق پەن ساياباقتارداعى اعاشتاردى اقتاپ، قۋراعان اعاشتاردىڭ بۇتاعىن كەسىپ، 21 گۇلزارلارعا گۇل وتىرعىزدىق،-دەيدى «كاسپييدورموستوستروي» ج ش س وكىلى لەونيد زادەرنىي.
بۇدان بولەك، مەكەمە بۇگىنگى تاڭدا وبلىس ورتالىعىندا سۋارۋ جۇيەسىن قالپىنا كەلتىرۋ بويىنشا جۇمىستارىن جۇرگىزىپ جاتىر. مىسالى، اۋەجاي جولىنداعى تامشىلاتىپ سۋارۋ جۇيەسى 80% قالپىنا كەلتىرىلدى. سونداي-اق، قولدانىستاعى ەسكى سۋ سورعىلارىنىڭ 8ء-ى قالپىنا كەلتىرىلىپ، جوبا اياسىندا تاعى 7 قوسىمشا سورعى ورناتىلاتىن بولادى.
- قازىرگى ۋاقىتتا اتىراۋ قالاسىندا شامامەن 30 شاقىرىم ەسكى سۋ قۇبىرلارى جۇمىس ىستەيدى. اعىمداعى جىلدىڭ سوڭىنا دەيىن ءمجا جوباسى اياسىندا ءبىز 147 شاقىرىم سۋارمالى سۋ قۇبىرىنىڭ قۇرىلىسىن اياقتاپ، قالاداعى سۋارۋ جۇيەسىن تولىق باقىلاۋدا ۇستايتىن بولامىز، - دەپ لەونيد زادەرنىي جوسپارىمەن ءبولىستى.
«كاسپييدورموستروستروي» ءجشس-نىڭ ءارتۇرلى اعاشتار، جىلدىق جانە كوپجىلدىق گۇلدەر وسەتىن جەكە ورىندارى بار ەكەندىگىن اتاپ ءوتۋ كەرەك. بۇگىنگى كۇنى مۇندا بەس جىل بولعان 7 مىڭنان استام اعاشتار، ءۇش جىل بولعان 7 مىڭ اعاش، جانە 2 جىل بۇرىن وتىرعىزىلعان 10 مىڭنان استام اعاش بار.
- ءبىز ايماقتىڭ كليماتتىق جانە توپىراق جاعدايىنا بەيىمدەلگەن اعاش تۇرلەرىن وسىرەمىز، بۇل - قاراعاش، تەرەك، بۇتا. سونداي-اق، مەكەمە جىلدىق وسىمدىك ونىمدەرىن جەتكىزۋشىلەردىڭ ءبىرى بولىپ تابىلادى. ءبىز كوگالداندىرۋ سالاسىندا تاجىريبەسى بار ماماندار توبىن جيناقتادىق. الماتى قالاسىنداعى كوگالداندىرۋ جانە سۋارۋ سالاسىنداعى مەكەمە ماماندارىمەن سەنىمدى سەرىكتەستىك قۇردىق. ءبىزدىڭ مەكەمە جۇيەلى تۇردە جانە ۇزاق ۋاقىت بويى ءارتۇرلى كوگالداندىرۋ جوبالارىنا قاتىسىپ، اتىراۋدىڭ دەندرولوگيالىق جوسپارىنىڭ ىسكە اسۋىن باقىلاپ، تاجىريبە جيناقتادى،- دەدى مەكەمە وكىلى.
"كاسپييدورومستروي" ج ش س كەلەسى بەس جىلعا دەيىن 50 مىڭعا دەيىن اعاشتاردى كۇتىپ، باپتايتىن بولادى. جىل سايىن 338 مىڭ گۇل جانە 3،5 مىڭ بۇتا اعاشتارىن وتىرعىزادى. سونداي-اق، 2023 جىلعا دەيىن وتىرعىزىلعان اعاشتاردىڭ سانى 25 000-عا جەتەدى دەپ جوسپارلانۋدا، ولاردىڭ 2 مىڭى جەمىس اعاشتارى بولماق.
پىكىر قالدىرۋ