يتالياداعى قازاق وپپوزيسيونەر ەلىمىزدىڭ ەرتەڭى ءۇشىن شىرىلداعان مۇحتار شاحانوۆقا ءوزىنىڭ YouTube ارناسىندا ۇندەۋ جولدادى دەپ جازادى Qamshy.kz اقپارات اگەنتتىگى.

جاقىندا عانا سايلاۋدا كانديدات بولعان ءامىرجان قوسانوۆتى سىنعا العان وپپوزيسيونەر تۇرعىمباي ەرجان شاحانوۆقا:

«اسسالاۋماعالەيكۋم مۇحتار اعا! مەن ەلدەن شەتەلگە شىققانىما ءبىر جارىم جىل بولىپتى، جارتى جىل كييەۆتە تۇردىم. ءقازىر يتاليادامىن، وسى جەردە جۇرگەنىمە ءبىر جىل ۋاقىت بولدى، ىسساپارمەن. بۇل جەردە دە ءبىر ۇيدە تۇرىپ جاتقان جوقپىن. كوشپەندى قازاقتىڭ ۇرپاعى بولعان سوڭ، ۇيدەن-ۇيگە كوشىپ قونىپ ءجۇرمىن. ءبىراق قاي جەرگە كوشسەمدە ءسىزدىڭ ەكى كىتابىڭىزدى تاستاماي الىپ جۇرەمىن. ارتىق سالماق دەپ ويلامايمىن. مەن باسىندا ساياساتقا ارالاسىپ جۇرگەندە ورىس تىلىندە سويلەيتىنمىن. ورىسشا وقىعانمىن، ارالاسىپ جۇرگەن ادامدارىم دا ورىس ءتىلدى ەدى. قازاق ءتىلىن مەڭگەرۋ ءۇشىن ءسىزدىڭ كىتاپتارىڭىزدى الىپ وقىدىم. سەبەبى ساياساتتا ءجۇرۋ ءۇشىن قازاق ءتىلىن ءبىلۋ ماڭىزدى. ايتايىن دەگەنىم ول ەمەس. ءسىزدىڭ بەدەلىڭىز حالىق اراسىندا، مەنىڭ كوزقاراسىمدا بيىك بولاتىن. حالىق ءسىزدى ۇلتجاندى تۇلعا دەپ تانيتىن. ءبىر تۇسىنبەيتىنىم، ءسىزدىڭ توقايەۆتى ماقتاعانىڭىز. مەن توقايەۆ پەن نازاربايەۆ ەكەۋى بىردەي دەپ سانايمىن. سول سەبەپتى سىزبەن كەلىسپەيمىن. سىزگە ءوتىنىشىم، وسى ارنادا تىكەلەي ەفيردە سۇحباتتاسساق.. ءسىزدى ۇكىمەت تە قولداپ جاتقان جوق سياقتى، مۇلدەم سويلەتكىزبەي جاتىر ءسىزدى. قازىرگى زامانعا سايكەس تىكەلەي ەفير ارقىلى سۇحباتتاسساق. مەن ءسىزدى كۇتەمىن، اعا»،- دەدى.

ءسوز سوڭىندا وپپوزيسيونەر وزىمەن قالاي بايلانىسقا شىعۋعا بولاتىنىن ايتىپ كەتتى. الداعى ۋاقىتتا وسى ۇسىنىستى مۇحتار شاحانوۆ قابىل السا، وزدەرىڭىزبەن بولىسەتىن بولامىز.