بۇگىن ورتالىق كوممۋنيكاسيالار قىزمەتىندە وتكەن بريفينگتە باس پروكۋراتۋرا مەن ىشكى ىستەر مينيسترلىگىنىڭ وكىلدەرى ەلدەگى قۇقىقتىق ءتارتىپتىڭ جاي-كۇيى تۋرالى ايتتى دەپ حابارلايدى Qamshy.kz اقپارات اگەنتتىگى. 

ءوز سوزىندە باس پروكۋراتۋرانىڭ قىزمەت باستىعى ساپاربەك نۇرپەيىسوۆ پروكۋراتۋرا بىرنەشە رەت ەسكەرتۋىنە قاراماستان، جەكەلەگەن ادامدار ارانداتۋشىلارعا ەرىپ، ميتينگىلەرگە شىعىپ، ءتارتىپ ساقشىلارىنا شابۋىل جاساعان. ناتيجەسىندە، ءۇش پوليسيا قىزمەتكەرى زاقىمداندى. بۇل رەتتە وسى ارەكەتتەرگە جاۋاپ رەتىندە پوليسيا قىزمەتكەرلەرى ازاماتتارعا ارنايى قۇرالدار قولدانباعان. 

سپيكەر ازاماتتاردىڭ تىنىشتىعىن قورعاۋ ءۇشىن ورەسكەل زاڭ بۇزۋشىلاردى پوليسيا بولىمدەرىنە جەتكىزگەندىگىن اتاپ ءوتتى. 

زاڭسىز اكسياعا قاتىسقانى، پوليسيا قىزمەتكەرلەرىنىڭ زاڭدى تالاپتارىنا باعىنباعانى ءۇشىن 957 ادامدى سوت اكىمشىلىك جاۋاپتىلىققا تارتتى، ونىڭ ىشىندە قاماۋعا الىنعانى - 670، ايىپپۇلعا – 115 جانە 172 ادامعا ەسكەرتۋ جاسالدى. 

12 ماۋسىمدا مەملەكەت باسشىسى باس پروكۋرورعا ازاماتتاردىڭ زاڭدى قۇقىقتارىن قامتاماسىز ەتۋ بويىنشا دەرەۋ شارالار قابىلداۋدى تاپسىرعانىن ەسكە سالامىز. 

- ۇستالعان تۇلعالاردىڭ ناقتى سانى مەن ولاردىڭ كىنا دەڭگەيىن انىقتاۋ قاجەت. نارازىلىق ورنىندا كەزدەيسوق بولعان كىناسىز ازاماتتار مەن تۇلعالاردى بوساتۋ كەرەك،- دەدى قاسىم-جومارت توقايەۆ. 

وسىعان بايلانىستى قاداعالاۋ وكىلەتتىگى اياسىندا پروكۋرورلار 311 ادامعا قاتىستى سوتقا قاماۋ مەرزىمىن تومەندەتۋ تۋرالى اپەللياسيالىق ءوتىنىش حات ەنگىزىدى جانە ول قاناعاتتاندىرىلدى. 

بۇگىندە ارنايى قابىلداۋ مەكەمەلەرىندە 180 ادام قاماۋدا جازاسىن وتەۋدە. 

دايىنداعان: يلدار اديلچەنوۆ