بۇگىن ورىنىن التاي كولگىنوۆكە بەرگەن نۇر-سۇلتان قالاسىنىڭ ەكس-اكىمى الەۋمەتتىك جەلىدە باس قالانىڭ باسشىلىعىنداعى توعىز ايلىق قىزمەتى تۋرالى پىكىر ءبىلدىردى دەپ جازادى Qamshy.kz اقپارات اگەنتتىگى.

"مىنە، بۇل ورىندى تاستاپ، كەلەسى «شاقىرۋعا» كەتەتىن كۇن دە كەلدى. تۋرا توعىز اي ۋاقىت وتە شىعىپتى. بۇل مەرزىمدە ءبىر بالا دۇنيەگە كەلەدى عوي. مەن وسى قىزمەتتى اتقارا ءجۇرىپ ءوزىم 20 جىل تۇرعان قالادا ازاماتتاردىڭ جاقسى جۇمىس تابۋى، جاقسى ءومىر ءسۇرۋى قيىن ەكەنىن ءتۇسىندىم"، - دەيدى ەكس-اكىم.

سونىمەن قاتار، سۇلتانوۆ اكىم قىزمەتىن اتقارا ءجۇرىپ الاياق بورىشكەرلەردىڭ قارىزىن قايتارۋعا، كوپبالالى انالاردىڭ ماسەلەسىن شەشۋگە، مۇمكىندىگى شەكتەۋلى بالاسى بار وتباسىلارعا كومەك بەرۋگە تىرىسقانىن ايتتى.

"بيلىكتى قولدا دۇرىس ۇستاساڭ، كەز-كەلگەن ساناتتاعى ماسەلەلەردى شەشۋگە بولادى. تاۋەكەل ەتۋ كوپ جاعدايدا جەتىستىككە الىپ كەلەدى. سوندىقتان، مەن كوبىنە تاپتاۋرىن شەشىم قابىلداۋدان باس تارتتىم. جەدەل شەشىم قابىلداۋعا تىرىستىم. ەگەر ءبارى ءبىز قالاعانداي، ءبىز ويلاعانداي بولماي شىقسا، كەشىرىم سۇرايمىن"، - دەپ ءتۇيدى ءسوزىن سۇلتانوۆ.