2019 جىلدىڭ 4 اقپانىندا بولعان 5 قىزدىڭ ولىمىنە قاتىستى قىلمىستىق ءىس توقتاتىلدى دەپ حابارلايدى Qamshy.kz اقپارات اگەنتتىگى قازاقپارات سايتىنا سىلتەمە جاساپ.
ەستەرىڭىزگە سالا كەتسەك، 4 اقپاندا تۇندە نۇر-سۇلتاننىڭ سارىارقا اۋدانىنداعى «كوكتال-1» تۇرعىن ۇيدەدەگى جەكە ءۇيدىڭ اۋلاسىندا تۇرعىزىلعان ۋاقىتشا باسپانادان ءورت شىققان بولاتىن.
"اتالعان ىسپەن پوليسيا دەپارتامەنتىنىڭ تەرگەۋ باسقارماسى اينالىسقان بولاتىن. بارلىق ساراپتاما جۇمىستارى مەن تەرگەۋ امالدارىن جۇرگىزگەننەن كەيىن اتالعان ءىس ءوندىرىسىن توقتاتۋ تۋرالى شەشىم قابىلداندى. قىلمىستىق ءىس توقتاتىلدى. قۇزىرلى ورگان - نۇر-سۇلتان قالالىق پروكۋراتۋراسىنا اتالعان شەشىمنىڭ زاڭدىلىعىن تەكسەرۋ ءۇشىن ءىس قۇجاتتارى جولداندى"، - دەدى نۇر-سۇلتان قالالىق پوليسيا دەپارتامەنتى ءتوراعاسىنىڭ ورىنباسارى عازيز نۇرقايەۆ ەلوردادا وتكەن باسپا ءسوز ءماسليحاتىندا.
ءورت ءسوندىرۋ كەزىندە 2006، 2008، 2014، 2016، 2018 جىلى تۋعان 5 قىزدىڭ دەنەسى تابىلدى. ولاردىڭ كىشىسى نەبارى 11 ايلىق ءسابي ەدى. بەس بالانىڭ اتا-اناسى وقيعا ۋاقىتىندا تۇنگى جۇمىستا بولعان.
پىكىر قالدىرۋ