گرۋزيانىڭ بۇرىنعى پرەزيدەنتى، ودەسسا وبلىسىنىڭ ەكس-گۋبەرناتورى ميحايل سااكاشۆيلي پوروشەنكونىڭ ىشىمدىككە قالاي قارايتىنى تۋرالى ايتىپ بەردى دەپ جازادى Qamshy.kz اقپارات اگەنتتىگى. 

ۋكرايناداعى پرەزيدەنت سايلاۋىنداعى 2-تۋر الدىندا پەتر پوروشەنكو سوڭعى رەت 35 جىل بۇرىن ماس بولعانى تۋرالى مالىمدەمە جاساعان ەدى. ونىڭ ايتۋىنشا، ونىڭ ىشىمدىككە قۇمارلىعى تۋرالى “رەسەيلىك ۇزىنقۇلاق” تاراتىپ ءجۇر دەگەن.  

“پوروشەنكونىڭ ويىنشا، ۋكراينادا شاراپ جاساي المايدى. مەن تالاي رەت ودان شاراپ جاساۋشىلارعا سالىقتى ازايتۋدى سۇرادىم. ءبىراق ونىڭ جاۋابى “جوق” بولاتىن. ءقازىر جوعارى باعامەن باج تولەپ، كۇردەلى تىركەۋ پروسەدۋراسىنان ءوتۋ كەرەك”، - دەدى سااكاشۆيلي “112 ۋكراينا” تەلەارناسىنىڭ ەفيرىندە.  

سااكاشۆيلي ايتۋىنشا، پوروشەنكو جەرگىلىكتى شاراپتى ىشپەيدى. ويتكەنى، ول ءوزىنىڭ ورتاسىنا ساي بولعىسى كەلەدى. 

ۆلاديمير زەلەنسكيي ميحايل سااكاشۆيليگە ازاماتتىعىن بەرگەننەن كەيىن، ۋكرايناعا 29-مامىر كۇنى قايتىپ ورالدى. ساياساتكەر ۋكرايندىق ازاماتتىقتان 2 جىل بۇرىن ايىرىلعان بولاتىن. بۇل تۋرالى بۇيرىقتى 2017 جىلى پوروشەنكونىڭ ءوزى بەرگەن بولاتىن.