ماحامبەت وتەمىس ۇلى اتىنداعى قازاق اكادەميالىق دراما تەاترى پاندۋستارمەن جابدىقتالماعان. مۇمكىندىگى شەكتەۋلى جاندار وسى ماسەلەگە شاعىمدانۋدا.
تۇرعىندار شاعىمدانعان ماسەلەگە وبلىس اكىمدىگى نازار اۋداردى.
اتىراۋ وبلىسى بويىنشا ەڭبەك، الەۋمەتتىك قورعاۋ جانە كوشى-قون كوميتەتىنىڭ ءبولىم باسشىسى گۇلنار مەڭدىعارييەۆانىڭ ايتۋىنشا، وبلىس اكىمىنىڭ ءبىرىنشى ورىنباسارى سەرىك شاپكەنوۆتىڭ باستاماسىمەن تىركەلگەن فاكت تەكسەرىلەتىن بولادى.
- اتىراۋ قالاسىنىڭ تۇرعىنى گۇلناز كوسمۇرزييەۆادان ءوتىنىش كەلىپ تۇسكەن بولاتىن. جاقىن ارادا جوسپاردان تىس تەكسەرۋ جۇرگىزىلەدى.تەكسەرىس ناتيجەلەرى جانە قابىلدانعان ۇسىنىمدار قوسىمشا باياندالاتىن بولادى،- دەيدى گۇلنار مەندىگارييەۆا.
ايتا كەتەيىك، 2019 جىلى دراما تەاتردا كۇردەلى جوندەۋ جۇمىستارى وتكەن بولاتىن. دەگەنمەن، مۇمكىندىگى شەكتەۋلى جاندارعا جاعداي جاسالماعان. وسى ورايدا وبلىس اكىمىنىڭ ءبىرىنشى ورىنباسارى سەرىك شاپكەنوۆ تەاتردا تەكسەرىس جۇرگىزىپ، جاۋاپتى تۇلعالاردى جاۋاپقا تارتىلۋىن، سونداي-اق ارنايى كوميسسيا شاقىرىپ وسى ماسەلەنى تەزىرەك شەشۋدى تاپسىردى.
پىكىر قالدىرۋ