قازاقتىڭ ءبىرتۋار پەرزەنتى مۇحتار شاحانوۆتىڭ ءاربىر باستاماسىنىڭ تامىرى تەرەڭدە، ماعىناسى ۇلتتىق مۇددەنى جانۇشى¬را قورعاۋدا جاتىر. ءبىراق، وكىنىشكە قاراي، باياعى مۇڭسىز قازاق پەن ورىسشىل قازاق، باتىسشىل مەن قىتايشىل توپتار مۇقاڭنىڭ كەز كەلگەن جانشىرىلىنا كىرپىدەي جيىرىلىپ، قارسى شىعۋدى داعدىعا اينالدىردى.

قازاقتىڭ بوستاندىعى مەن ەلدىڭ ەگەمەندىگى – ۇلتىمىزدىڭ ەسىن جيناتىپ، جارقىن بولاشاققا جەتەلەدى. ءتىپتى، رەسپۋبليكا جوعارعى كەڭەسىنىڭ دەپۋتاتى مۇحتار شاحانوۆتىڭ 2-3 تاۋلىك كوز ىلمەي، ءوز ارىپتەستەرىن «قازاق ءتىلىنىڭ مەملەكەتتىلىگىن» قولداۋعا ۇندەپ، كوندىرۋى دە جاس ەگەمەن ەلىمىزدىڭ تاريحىندا التىن ارىپتەرمەن جازىلۋعا لايىق.

تاۋەلسىزدىكتىڭ العاشقى جىلدارىندا قازاقتاردىڭ بويىندا ۇلتىنا، تىلىنە، ەلى مەن جەرىنە دەگەن شىنايى سۇيىسپەنشىلىك سەزىمدەرى وتتاي لاۋلاپ تۇر ەدى. مۇقاڭنىڭ جەلتوقسان شىندىعى مەن ارال قاسىرەتى تۋرالى كەسكىلەسكەن كۇرەسىنىڭ سوڭىندا، قاي تىلدە سويلەيتىندىگىنە قاراماستان، 10 قازاقتىڭ تولىق 9-ى قاسقايىپ تۇرعان بولاتىن. مىسالى، تاپ ءقازىر ءماجىلىس دەپۋتاتتارىنىڭ الدىنا مەملەكەتتىك ءتىل ماسەلەسى سول ءبىر كەزەڭدەگىدەي قاتاڭ قويىلسا، قانشاسى باتىلى بارىپ، ۇلتىمىزدىڭ ءتىلىن قولدار ەدى؟..

مەنىڭشە، جارتىسىنان باسىمى قالىس قالعان بولار ەدى. نەگە دەسەڭىز، ەركىندىكتىڭ جيىرما جىلىندا ءبىز «ورىسشىلدىق» دەيتىن اۋرۋىمىزعا – «باتىسشىلدىق» جانە «قىتايشىلدىق» دەپ اتالاتىن قوس سىرقات قوسىپ الدىق. مەملەكەتتىڭ قازىناسىن توگىپ-شاشقان «بولاشاق» ستەپەندياسى يەگەرلەرىنىڭ 70 پايىزدان استامى شەتەلدە ماڭگىلىك قالىپ قويىپ، «باتىسشىل» بولىپ كەتسە؛ مۇنايدىڭ ماڭايىنداعىلار «قىتايشىل» بولىپ شىعىپ جاتىر...

سوندىقتان، مۇقاڭنىڭ قارسىلاستارى كۇن ساناپ كوبەيۋدە...

ايتالىق، مۇقاڭ: «قازاق ءتىلىنىڭ ناعىز مەملە¬كەتتىلىگىن ورنىقتىرۋ كەرەك» دەسە، پەتر سۆويك دەيتىن كەشەگى ءساتسىز شەنەۋنىك، بۇگىنگى «رەسەي¬ءدىڭ قازاقستانداعى تاپسىرىسپەن كۇن كورگەن ساياساتكەرسىماعى»: «ورىس ءتىلى قىسىم كورىپ جاتىر!» دەپ، بايبالام سالىپ، شوۆينيست شو-عىرىمەن ءبورىنىڭ ارتىنداي شۋلاپ شىعا كەلەدى...

مارقاسقا مۇقاڭ: «كەدەندىك وداق پەن ەۋرا¬زيالىق وداق دەيتىندەر بوداندىقتىڭ قامىتى» دەگەن ءۋاج ايتسا، سۆويكشىل سايقالدار تاعى دا مۇنى «ورىسقا قارسى ساياسات» دەپ داۋرىعادى...

دۇشپاننىڭ قۇيىرشىعى، جاۋدىڭ جانسىزى پەتر سۆويكتى ءبىلىمى مەن بىلىگى كەمەل بىردە-بىر ساليقالى ساياساتكەر مويىنداپ، ساندىراعىنا قۇلاق اسپايدى. وسىدان 11 جىل بۇرىن: «بۇرىن قازاقستان اۋەلى رەسەي يمپەرياسىنىڭ، سوسىن، كسرو-نىڭ شەكاراسى جابىق شەتكەرى وتارى بولدى، ال ءقازىر بارلىق ۇلكەن ويىنشىلاردىڭ اشىق وتارى»، سوسىن، «قازاقستان وتار ەل بولعان، ءقازىر دە سولاي، وتار بولا بەرەدى دە» نەمەسە «قازاقستاندا ەكى مەملەكەتتىك ءتىل بولۋى كەرەك»، تاعى دا «قازىرگى قازاقستاندىق زاماناۋي مادەنيەتكە قازاق-ورىس قوستىلدىگى سياقتى ماڭىزدى ەلەمەنتتى قوسۋ كەرەك» دەگەن ەسەرسوق پىكىرسىماقتارى ءۇشىن پەتر سۆويكتى زاڭ بويىنشا قاتاڭ جاۋاپقا تارتىپ، ۆلاديمير كوزلوۆپەن كورشى قوندىرۋعا بولادى...

قازاق ەلىنىڭ ەركىندىگى باياندى بولۋى ءۇشىن دە، ساياسي-ەكونوميكالىق پارمەنىمىز قۋاتتانۋى ءۇشىن دە، قازاق ءتىلى ۇستەمدىك قۇرۋى ءۇشىن دە، شەكارامىز بەرىك تە بەكەم قورعالۋى ءۇشىن دە، ەڭ باستىسى، ەرتەڭگى كۇنى بالالارىمىز بەن نەمەرەلەرىمىز ەشكىمگە كىرىپتار بولماي، بوستان جۇرتتا باقىتتى عۇمىر كەشۋى ءۇشىن دە كۇللى قازاق جانە ءاربىر قازاق – ۇلتىمىزدىڭ مىڭباتپان مۇڭ-شەرى مەن مىڭتاراۋ مۇددەسىن بار ەرىك-جىگەرىن سارپ ەتىپ، قورعاپ-قولداعان مۇحتار شاحانوۆتىڭ تۋىنىڭ استىنا بىرىگۋى كەرەك!

ايتپەسە، قازاقتىڭ ءاربىر قالاسىنىڭ كەزكەلگەن كوشەسىن لاس اياعى، بىلعانىش تىلىمەن كۇلىمسى ساسىتقان سۆويك سياقتى سايقال ساياساتكەرسىماقتار قازاقتىڭ ءمۇلت كەتۋىن قالت جىبەرمەي، قاداعالاپ وتىر...

وسىنى ۇمىتساق – ۇتىلامىز!