بۇگىن سۇلەيمان دەميرەل ۋنيۆەرسيتەتىندە ءداستۇرلى  ۋنيۆەرسيتەتارالىق اقىندار ايتىسى وتەدى. ايتىستىڭ بيىلعى تاقىرىبى – ءبىلىم جانە تۇركى حالىقتارىنىڭ رۋحاني ىنتىماقتاستىعى. قازاقتىڭ باعا جەتپەس ءسوز ونەرى مۇراسىنىڭ ءبىرى – ايتىس. ايتىس ەڭ اۋەلى  ءداۋىر شىندىعىنىڭ كورىنىسى. ايتىستا ءاربىر پروبلەما نە الەۋمەتتىك بيىك سانا، ۇلكەن اقىندىق بەينەلى تىلمەن، شابىتتى جىرمەن جەتكىزىلەدى. احمەت بايتۇرسىن ۇلى «ايتىس-تارتىس ىشكى عالام مەن تىسقى عالامنىڭ تۇيىسكەنىن كورسەتەتىن ءسوز ءتۇرى» دەپ تۇيەدى. اسىلىندا، اقىندار ايتىسى دا ءومىردىڭ شىنايى دراماسى. ايتىس – تانىم. ايتىس – عيبرات. ايتىس – كۇرەس. ومىرلەرىن ونەرگە ارناپ، ايتىس ارقىلى ءبىر يمپەريانىڭ باۋىرىن سوزبەن ەزگىلەگەن جامبىل، نۇرپەيىس، يسا، دوسكەي، شاشۋباي، نارتاي، ورىنباي، نۇرلىبەك، قالقا، ءساتتىعۇل، نۇرقان، بولمان، ماياسار، قۋانىش، جولدىكەي، كەنەن، قاليحان التىنبايەۆ، تاڭىربەرگەن امىرەنوۆ، ماناپ كوكەنوۆ، اقىلگەك جۇرگەمبەكوۆا، كوكەن شوكەيەۆ، اسەلحان قالىبەكوۆا، ءاسيا بەركەنوۆا، قونىسباي ابىليەۆ، اياز بەتبايەۆ، شىنبولات دىلدابايەۆ، جادىرا قۇتجانوۆا سىندى اعا ۇرپاق وكىلدەرى بۇگىنگى جاستارعا ونەگە. قازىرگى تاڭدا دا تانىلماعان دارىندار جەتكىلىكتى. سۇلەيمەن دەميرەل ۋنيۆەرسيتەتى فيلولوگيا فاكۋلتەتىنىڭ بۇل يگى باستاماسى ۇلتتىق ونەردى دارىپتەۋدى، تالانتتى اقىندارعا قولداۋ كورسەتۋدى كوزدەيدى. ايتىسقا ايتۋلى ەل اعالارى مەن جاس اقىن، عالىمدار تورەلىك ەتەدى. تاقىرىپقا شەكتەۋ جوق. باستى ۇستانىم – شاپشاڭ، تۇجىرىمدى، كوشەلى وي ايتۋ. جۇلدەلى ورىندار سانى – التى. ايتىستى بيىلعى ەرەكشەلىگى – رەسپۋبليكالىق «جىر دودا» جاس اقىندار ايتىسىنىڭ شەشۋشى ءۇشىنشى كەزەڭىنە جولداما العان اقىنداردىڭ قاتىساتىندىعىندا. ءقادىرلى قازاق ونەرىنىڭ جاناشىرلارى ايتىسقا كەلىپ، رۋحاني ازىق الىپ قايتىڭىزدار! ءدۇبىرلى دوداعا جۇڭگو حالىق رەسپۋبليكاسىنىڭ، قىرعىز جانە باشقۇرت جاس اقىندارىنىڭ وكىلدەرى قاتىناسادى. سونىمەن بىرگە ايتىستا رەسپۋبليكامىزدىڭ ون جەتى ۋنيۆەرسيتەتتىڭ ستۋدەنتتەرى ب ا ق سىنايدى.

 

ۇيىمداستىرۋ كوميتەتىنىڭ مەكەنجايى:

قازاقستان رەسپۋبليكاسى، الماتى وبلىسى، قاسكەلەن قالاسى.

ۆەب-سايت:  www.sdu.edu.kz

سۇلەيمەن دەميرەل ۋنيۆەرسيتەتتىنىڭ ءبىرىنشى قاباتىنداعى اكت زالى.

باستالۋى: ساعات 10.00

تولىعىراق مالىمەتتى مىنا بايلانىس جۇيەلەرى ارقىلى  الۋعا بولادى:

سوت.: 8775 9198099؛ 8 701 232 90 57؛ academ_kz@mail.ru