ق ر پرەمەر-مينيسترى اسقار مامين ۇكىمەت وتىرىسىندا ءبىلىم جانە عىلىم مينيسترلىگىنە ۇلتتىق ءبىرىڭعاي تەستىلەۋدى وتكىزۋگە 100 پايىز دايىن بولۋدى تاپسىردى دەپ حابارلايدى Qamshy.kz اقپارات اگەنتتىگى.
"2017 جىلدان بەرى تەستىلەۋ ءدال قازىرگى فورماتتا، جوعارى وقۋ ورىندارىنا تۇسكىسى كەلەتىن تۇلەكتەر ءۇشىن ەرىكتى تۇردە وتكىزىلىپ كەلەدى. كورىپ وتىرعاندارىڭىزداي، تەستىلەۋدەن وتكىسى كەلەتىن مەكتەپ بىتىرۋشىلەر سانى 117 مىڭنان اسادى. ءبىلىم جانە عىلىم ءمينيسترى ايتىپ وتكەندەي، وسىعان دەيىن جوعارى وقۋ ورىندارىنا اقىلى نەگىزدە ءتۇسۋ ءۇشىن تاپسىرىلاتىن تەستىلەۋ وتكىزىلدى. 20 ماۋسىمنان باستاپ مەملەكەتتىك ءبىلىم گرانتتارىن جەڭىپ العىسى كەلەتىن مەكتەپ بىىتىرۋشىلەر ءۇشىن تەستىلەۋ باستالادى. ۇبت وتكىزۋگە تولىقتاي دايىن بولۋىمىز كەرەك"، - دەدى ۇكىمەت باسشىسى.
ق ر ۇكىمەتىنىڭ باسشىسى وڭىرلەردىڭ اكىمدەرىنە وقۋشىلاردىڭ ۇبت-عا قاتىسۋىن ۇيىمداستىرۋ ماسەلەسىن باقىلاۋعا الۋدى تاپسىردى.
"ۇبت وتكىزۋگە دايىندىق 100% قامتاماسىز ەتىلۋى ءتيىس. ءبىلىم جانە عىلىم مينيسترلىگىنىڭ مىندەتى – تەست وتكىزۋ پۋنكتەرىنىڭ بارلىعىنىڭ جۇمىسىن ناقتى ۇيلەستىرۋ"، - دەدى اسقار مامين.
مەملەكەتتىك ورگاندارعا ۇبت قاتىسۋشىلارىنىڭ قاۋىپسىزدىگىن قامتاماسىز ەتۋ ءۇشىن بارلىق قاجەتتى شارالاردى قابىلداۋ تاپسىرىلدى.
پىكىر قالدىرۋ