«قازاۆتوجول» ۇك» اق ماڭعىستاۋ وبلىسىنداعى فيليالىنىڭ ديرەكتورى مەن ورىنباسارلارى بىرنەشە رەت پارا الۋ، بيۋدجەت اقشاسىن جىمقىرۋ كۇدىگىنە ءىلىندى، دەپ حابارلايدى Qamshy.kz اقپارات اگەنتتىگى ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنە سىلتەمە جاساپ.

ولار ماڭعىستاۋ وبلىسىنداعى اۆتوجولداردىڭ قۇرىلىسى كەزىندە ورىندالعان جۇمىس تۋرالى قۇجاتتارعا كەدەرگىسىز قول قويعانى ءۇشىن مەردىگەر ۇيىمداردان جۇيەلى تۇردە 6 ملن تەڭگە پارا الدى دەگەن كۇدىككە ءىلىنىپ وتىر.

تەرگەۋ نۇسقاسىنا ساي، اتالعان توپ ورىندالعان جۇمىس تۋرالى جالعان قۇجاتتاردى تولتىرۋ ارقىلى 500 ملن تەڭگە كولەمىندەگى بيۋدجەت قاراجاتىن جىمقىرعان. «قازاۆتوجول» ۇك» اق ماڭعىستاۋ وبلىسىنداعى فيليالىنىڭ باسشىلارى ۋاقىتشا وقشاۋلاعىشقا قامالدى. تەرگەۋ امالدارى جالعاسۋدا. كۇدىكتىلەرگە قاتىستى سوڭعى كەسىم سوتتا شىعارىلادى.

دەرەككوز: قازاقپارات