"استانا" فۋتبول كلۋبىنىڭ بۇرىنعى شابۋىلشىسى، قازىرگى ۋاقىتتا رۋمىنيالىق "استرا" كلۋبىنىڭ جەيدەسىن كيىپ جۇرگەن ازدرەن للۋلاكۋ ءبىرقاتار بەيمالىم جايتتاردىڭ بەتىن اشتى دەپ جازادى Qamshy.kz اقپارات اگەنتتىگى.

"شەتەلدىك ويىنشىلار ايىنا شامامەن 60 مىڭ ەۋرو تابىس تابادى. جۇلدەلى ورىن مەن چەمپيوندار ليگاسى كەزىندە تابىس كولەمى ارتا بەرەدى. چەمپيوندار ليگاسىنا قاتىسقانى ءۇشىن ءار ويىنشى 100 مىڭ ەۋرودان الادى. ال ءاربىر جەڭىس سايىن 15 مىڭ ەۋرو سىياقى تولەيدى"، - دەدى 31 جاستاعى فۋتبولشى.

ەسكە سالا كەتەيىك، للۋلاكۋ 2016 جىلى "استانا" فۋتبول كلۋبىمەن ەكى جىلدىق كەلىسىمشارت جاساسقان. 17 ويىندا الاڭعا شىعىپ، نەبارى 1 گول سوققان. 2017 جىلى "توبىل" كومانداسىنا جالعا بەرىلگەن. ءبىراق البانيالىق فۋتبولشى قوستانايلىق كلۋبتا 13 رەت الاڭعا شىعىپ، بىردە-بىر رەت گول سوقپادى.

للۋلاكۋدىڭ مالىمەتىنە سۇيەنسەك، ايىنا ءبىر شەتەلدىك ويىنشى شامامەن 25 680 000 جالاقى الادى. كوپبالالى انالاردىڭ داۋعا اينالعان جاردەماقىسى - ايىنا 21 مىڭ تەڭگە. ەگەر فۋتبولشى جالاقىسىن انالاردىڭ جاردەماقىسىنا بولسەك، 1222 دەگەن سيفر شىعادى. بۇل - ءبىر فۋتبولشى مىڭنان استام انانىڭ جاردەماقىسىن جالعىز ءوزى قالتاعا باسىپ ءجۇر دەگەن ءسوز.