انگەلا مەركەل بەرليندە وتكەن زەلەنسكييمەن كەزدەسۋ كەزىندە قول-اياعى دىرىلدەپ، ءوزىن ناشار سەزىنگەن دەپ جازادى Qamshy.kz اقپارات اگەنتتىگى شەتەلدىك باق-تىڭ دەرەگىن نەگىزگە الىپ. ۆيدەودان انگەلا مەركەلدىڭ قولىن بىرنەشە رەت قوزعاپ، ءوزىنىڭ دىرىلدەپ تۇرعانىن بىلدىرتپەۋگە تىرىسقانىن بايقاۋعا بولادى.
ال گەرمانيا كانسلەرىنىڭ قاسىندا تۇرعان زەلەنسكيي ءوزىنىڭ ارىپتەسىنە كومەك كورسەتپەدى. انگەلا مەركەلدىڭ مۇنداي كۇيگە دۋشار بولۋىنا كۇننىڭ ىستىق بولۋى سەبەپ بولعان.
"مەن كەمىندە ءۇش ستاقان سۋ ءىشتىم. ماعان سول جەتىسپەگەن سەكىلدى. ءقازىر ءوزىمدى جاقسى سەزىنىپ تۇرمىن"، - دەيدى انگەلا مەركەل.
ال زەلەنسكيي بولسا ءوزىنىڭ نە سەبەپتى كومەكتەسپەگەنىن پرەسس-كونفەرەنسيا كەزىندە تۇسىندىرۋگە تىرىستى.
"مەن ونىڭ جانىندا بولدىم. ماعان سەنىڭىزدەر ول تولىقتاي قاۋىپسىزدىكتە بولدى"، دەدى زەلەنسكيي.
پىكىر قالدىرۋ