رەسەيلىك عالىمدار عارىشتا بالانىڭ دۇنيەگە كەلۋىن جۇزەگە اسىرماق. ولار ۇمىتتەنىپ وتىرعانداي، بۇل ارەكەت عارىش مەديسيناسىنىڭ دامۋىنداعى ۇلكەن سەكىرىس بولار ەدى. بۇل تۋرالى مەديكو-بيولوگيالىق ينستيتۋتىنىڭ جاسۋشالار بيوفيزيكاسى زەرتحاناسىنىڭ مەڭگەرۋشىسى يرينا وگنيەۆا ايتىپ بەردى دەپ جازادى Qamshy.kz اقپارات اگەنتتىگى.

"عارىشقا العاش تابان تىرەگەن دە، عارىشتا ەڭ ءبىرىنشى بولعان دا ءبىزدىڭ قانداستارىمىز. ءالى كۇنگە دەيىن عارىشتى يگەرۋ ماسەلەسىندە العاشقى قاتاردا كەلەمىز. وسىعان وراي، عارىشتا تۋعان العاشقى بالا دا رەسەي ازاماتى بولعانىن قالايمىن. دەگەنمەن، ءبىز ءبىرىنشى ورىنعا پاتريوتتىق ءپوپۋليزمدى ەمەس، ادامداردى قورعاۋ ماسەلەسىن قويۋىمىز كەرەك. ەڭ باستىسى – عارىشتا ادامنىڭ ومىرگە كەلۋى ەمەس، ونىڭ دەنى ساۋ بولىپ تۋۋى. ال ءبىز وسى جوسپارىمىزدى جۇزەگە اسىرۋ بارىسىن زەرتتەگەندە، ءوزىمىزدىڭ قابىلەتىمىزدىڭ باسەكەگە قابىلەتتى ەكەنىنە كوز جەتكىزدىك"، - دەدى يرينا وگنيەۆا.

"مۇمكىن، مۇنداي ءىرى ارەكەتتەردى جۇزەگە اسىراتىن ۋاقىت كەلمەگەن بولار، ءبىراق ماقسات قويىپ تالپىنىس جاساۋعا بولادى"، - دەپ ءتۇيدى ول ءسوزىن.

وسى ۋاقىتقا دەيىن ءدال وسى تيپتەگى ماقساتتار قويىلىپ جانە جۇمىس بارىسى تالاي جوسپارلانعان. ءبىراق بۇل ارەكەتتى جۇزەگە اسىرۋعا ەتيكا پرينسيپتەرى رۇقسات بەرمەيدى.

"عىلىمي كوزقاراس تۇرعىسىنان بۇل ەكسپەريمەنت – شەشىمىن تاباتىن دۇنيە. ال ەتيكا تۇرعىسىنان ادام ۇرىعىمەن تاجىريبە جاساۋ بولىپ سانالادى"، - دەدى عالىم.

ول ءوزىنىڭ زەرتتەۋ جۇمىستارىن جاساۋ بارىسىندا ادامنىڭ عارىشتا قانشا ۋاقىتتا ومىرگە كەلەتىنىنە كوز جەتكىزگىسى كەلگەن.