ولاي بولسا، ونىڭ تيىمدىلىگى قانداي؟ ال بىلە بىلگەن ادامعا مۇنىڭ ءتيىمدى جاقتارى وتە كوپ. اقيقاتىنا كەلسەك، ءسىزدىڭ ەلەكتروندىق ۇكىمەت پورتالى ارقىلى بارلىق اقپاراتتارمەن قۇلاقتانۋعا مۇمكىندىگىڭىز بار. اتاپ ايتار بولساق، قازاقستان ازاماتتارى ۇكىمەت جايلى، ونىڭ زاڭناماسى تۋرالى ەلەكتروندىق پورتال ارقىلى تولىققاندى بىلە الادى. سونىمەن قاتار، ون-لاين رەجيمدە مەملەكەتتىك ورگان وكىلدەرىنە ساۋالدار قويىپ، وعان لايىقتى ءارى ساۋاتتى جاۋاپ الۋعا بولادى.
راسىندا دا قازاقستان زاماناۋي وزىق ۇردىستەن كوش سوڭىندا قالماۋى كەرەك. انىعىن ايتساق، ەلەكتورندىق قىزمەت كورستۋدىڭ دەڭگەيى بويىنشا قازىرگى ۋاقىتتا قازاقستان ورتا ازيا ەلدەرىن ارتقا تاستادى، ءتىپتى رەسەيدەن كوپ كورسەتكىشتەر بويىنشا الدا. وتكەن جىلى قىرعىزستان، وزبەكستان مەن مونعوليا ەلدەرى قازاقستاننىڭ «ەلەكتروندىق ۇكىمەتىنە» قىزىعۋشىلىق تانىتىپ، تاجىريبە الماسۋ ءۇشىن ءبىزدىڭ ەلگە كەلدى. ويتكەنى بىزدە ءقازىر تۇڭعىش پرەزيدەنتى، ەلباسى نۇرسۇلتان نازاربايەۆتىڭ جارلىعىمەن قۇرىلعان «ازاماتتارعا ارنالعان ۇكىمەت» اتتى ارنايى قىزمەت ورنى بار. بۇل ۇلكەن جەتىستىك پە؟ جەتىستىك!
راسىن ايتساق، ءبىز وسىدان 15-20 جىل بۇرىن انىعىن ايتقاندا، «ەلەكتروندىق ۇكىمەت» تۋرالى ەستىگەنىمىزبەن، ونىڭ قالاي جۇزەگە اسىرىلاتىنى تۋرالى ءتىپتى بىلمەيتىن ەدىك. ءقازىر بۇل قانداي دا ءبىر ءتۇيىندى پروبلەماعا اينالىپ وتىرعان جوق. بۇگىندە كوزىقاراقتى ازامات ينتەرنەت ارقىلى ءتيىستى ەلەكتروندىق بازاعا تىركەلىپ، وزىنە قاجەتتى بارلىق قۇجاتتاردى الۋعا قولى جەتتى. بۇرىندارى قانداي دا ءبىر انىقتاما الۋ ءۇشىن حالىققا قىزمەت ەتۋ ورتالىقتارىنا (سون) بارىپ، ۇزىنسونار كەزەككە تۇراتىن. ءقازىر ولاي ەمەس. ۇيدە وتىرىپ-اق وزىڭىزگە قاجەتتى قاجەتتى قاعازداردى جىلدام الۋعا بولادى.
ويتكەنى ءقازىر «ازاماتتارعا ارنالعان ۇكىمەت» حالىققا تىكەلەي ساپالى قىزمەت كورسەتەدى جانە مۇنىڭ بارلىعى جەدەل تۇردە جۇزەگە اسىرىلادى.
ءتىپتى ءسىز ءقازىر قولىڭىزداعى تەلوفون ارقىلى دا بارلىق قىزمەت ءتۇرىن پايدالانا الاسىز. تەك وعان نيەت پەن ساۋاتتىلىق كەرەك. ۋاقىتىن ۇنەمدەگىسى كەلگەن كەز كەلگەن ازامات ءقازىر مۇنى ءتيىمدى پايدالانۋعا تىرىسادى. وسى ورايدا ءبىز ەلەكتروندى قىزمەتتىڭ بىرنەشەۋىن وقىرمانعا حاباردار ەتۋدى ءجون كوردىك. سونىمەن...
1.سمارتفونداعى تelegram قوسىمشاسى ارقىلى مەملەكەتتىك قىزمەت پەن سەرۆيستى پايدالانۋعا مۇمكىندىك زور. مىسالى، وسى ورايدا @egovkzbot قىزمەتىنە ءبىر جىل تولعانىن ايتا كەتەيىك. سوڭعى ءبىر جىلدىڭ ىشىندە بوت ارقىلى 534 مىڭنان استام تۇرعىنعا قىزمەت كورسەتىلگەن. اتالعان تەلەگرام-بوت بويىنشا 25 ءتۇرلى مەملەكەتتىك قىزمەتتىڭ ءتۇرىن الۋعا بولادى. ولاردىڭ ىشىندە اسىرەسە، حالىق مەكەن-جاي انىقتامالىعى، سوتتالعاندىعىنىڭ بار-جوعى تۋرالى مالىمەت پەن پسيحياتريالىق، ناركولوگيالىق ديسپانسەردىڭ انىقتامالارىنا كۇندەلىكتى سۇرانىس جوعارى، ياعني حالىق وسى انىقتامالارعا كوپ جۇگىنەدى.
2.سونىمەن قاتار، كەز كەلگەن قازاقستان ازاماتى زەينەتاقى قورىنا اي سايىن قانشا پايىز ءتۇسىپ وتىر، ونى دا ناقتى بىلە الادى.
- ەلەكتروندى قىزمەت وتە ءتيىمدى. مىسالى، بۇرىندارى ارحيۆتىك انىقتامانى 11 جۇمىس كۇنىنەن كەيىن عانا الۋعا بولاتىن. ال ءقازىر بۇل ماسەلە تەز شەشىمىن تاپقان. ەلەكتروندىق قىزمەت ارقىلى ونى 1 ساعاتتىڭ ىشىندە الۋعا مۇمكىندىك بار.
- ەگەر وتباسىڭىزدا ۇلكەن قۋانىش بولىپ، ومىرگە ءسابي كەلىپ جاتسا، بالانىڭ قۇجاتىن راسىمدەۋ ءۇشىن الىسقا بارۋدىڭ قاجەتى جوق. ەڭ الدىمەن قىزمەتتى پايدالانۋ ءۇشىن ءموبيلدى ازاماتتار بازاسىنا (ماب) تىركەلۋىڭىز كەرەك. سودان كەيىن بارلىق قىزمەت ءتۇرىن الۋعا بولادى. بالانى بالاباقشا كەزەگىنە قويۋعا، ءتىپتى جاردەماقى تۋرالى ءتيىستى قۇجاتتاردى دا رەسىمدەۋگە زور مۇمكىندىك بار. اتالعان قىزمەت ءتۇرىن «پرواكتيۆ ءتاسىلى دەيدى». «ازاماتتارعا ارنالعان ۇكىمەت» كورپوراسياسىنىڭ باسپا ءسوز قىزمەتىنىڭ اقپاراتى بويىنشا سوڭعى ەكى جىلعا تاياۋ ۋاقىت ىشىندە پرواكتيۆ تاسىلىمەن 70 مىڭنان استام بالاعا تۋۋ تۋرالى قۇجاتى بەرىلگەن. ال 13 مىڭ بوبەك بالاباقشا كەزەگىنە تۇرعىزىلعان ەكەن.
- @Egovkzbot-تاعى قىزمەت ءتۇرى ارقىلى دارىگەردىڭ دە قابىلداۋىنا دا جازىلۋعا بولادى.
- ەگەر جۇمىس ىزدەيتىن بولساڭىز، enbek.kz پورتالىنان ءسىز قالاعان جۇمىستى تاۋىپ الۋعا دا مۇمكىندىك مول. مۇندا جۇمىس بەرۋشىلەر مەن جۇمىس ىزدەۋشىلەردىڭ ۇلكەن ءتىزىمى مەن ءتيىستى ماماندىقتار ءتۇرى بەرىلگەن. ەڭ ءبىر ءتيىمدىسى، مۇنىڭ بارلىعى تەگىن تۇردە جۇزەگە اسىرىلادى.
ارينە مۇنىڭ بارلىعى دا قازاقستاندا 2010 جىلدان باستاپ 2020 جىلعا دەيىنگى كەزەڭگە ارنالعان قۇقىقتىق ساياسات تۇجىرىمداماسىنىڭ تولىققاندى جۇزەگە اسۋى دەر ەدىك. ارينە، كەزىندە قابىلدانعان «ەلەكتروندى ۇكىمەت» قۇرۋ جانە ونى جۇزەگە اسىرۋعا قاتىستى باعدارلامالار ءوز جەمىسىن بەردى. ءقازىر حالىق مۇنىڭ يگىلىگىن كورۋدە.
ايتا كەتەر ءبىر جايت، قازاقستاننىڭ تۇڭعىش پرەزيدەنتى، ەلباسى نۇرسۇلتان نازاربايەۆتىڭ جارلىعىمەن قۇرىلعان «ازاماتتارعا ارنالعان ۇكىمەت» مەملەكەتتىك كورپوراسياسىنىڭ جۇمىسىن ءاربىر قازاقستاندىق بۇگىندە ءتيىمدى پايدالانۋدا. ونىڭ ناتيجەلىلىگىن مىنا ءبىر دەرەكتەر ايقىنداپ تۇرعانداي:
2019 جىلدىڭ العاشقى ءتورت ايىنىڭ وزىندە 1،1 ملن اسا ازامات ءموبيلدى بازاعا تىركەلگەن. قازىرگى ۋاقىتتا اتالعان بازاعا تىركەلگەن قازاقستاندىق ازاماتتاردىڭ سانى 6،8 ميلليونعا جۋىق بولىپ وتىر. دەمەك وسىنشاما قازاقستاندىق ەلەكتروندى ۇكىمەتتىڭ جۇمىسىن ءتيىمدى پايدالانىپ وتىر دەگەن ءسوز. مۇنىڭ ءوزى ۇلكەن جەتىستىك، وركەنيەتكە ۇمتىلعاندىق جانە ءاربىر قازاقستاندىق ازاماتتىڭ ءوز قۇقىن بىلۋگە جانە قىزمەت ءتۇرىن الۋعا دەگەن تازا نيەتتىلىگىن كورسەتەدى.
ەركىن قالدان
پىكىر قالدىرۋ