"جاس وتاننىڭ" باسشىسى داۋلەت كارىبەك وتكەندە الماتىدا نازاربايەۆقا ەسكەرتكىش قويۋدى ۇسىنعان قولاستىنداعى جىگىتتى قورعاشتاپ سۋرەتتەگىدەي پوست جازىپتى.

داكە، قۇدايعا شۇكىر، ءبىز دە ەلىمىزدىڭ دامۋىنا ۇلەس قوسۋدان كەندە ەمەسپىز، مىڭداعان ازاماتىمىز سياقتى قۋ تىرشىلىك پەن جان باعۋ جاعدايىندا جۇرسەك تە، مەملەكەتتەن ءبىر تيىن جاردەم كورمەي، قولدان كەلگەنشە ەلىمىزگە ەڭبەگىمىزدى سىڭىرۋگە تىرىسىپ باعۋدامىز. سوندىقتان، "ءبىز ءويتىپ جاتىرمىز، ءبۇيتىپ جاتىرمىز" دەپ جاساعان ىستەرىڭىزدى مىندەتسىنۋدىڭ قاجەتى جوق دەپ ويلايمىن. ەلدىڭ قامىن تەك سىزدەر عانا ويلاپ جۇرگەن جوقسىزدار.

ەندى ءوزىڭىز ماسەلەنى كوتەرگەن ەكەنسىز، ايتپاسا ءسوزدىڭ اتاسى ولەدى دەمەكشى، ءبىز دە سىزگە 4 سۇراعىمىزدى جولدايىق، سولارعا جاۋاپ بەرىڭىزشى:
⠀
1) قولاستىڭىزداعى جىگىت بارلىق جاستاردىڭ ەمەس، ءوز اينالاسىنداعى، قاسىنداعى جاستاردىڭ عانا ۇسىنىسىن جەتكىزدى دەيسىز. ولاي بولسا ول نەگە: "ءبىز بارشا قازاقستاندىق جاستاردىڭ ەمەس، ءوز اينالامداعى، قاسىمدا جۇرگەن جاستاردىڭ اتىنان ەسكەرتكىش ورناتۋدى ۇسىنامىن" دەپ ايتپادى؟ ۇمىتىپ قالساڭىز نە ەستىمەسەڭىز، ءماديدىڭ باق-تا جاريالانعان ءسوزىن كەلتىرەيىن: "ءبىز جاستاردىڭ اتىنان الماتىداعى نازاربايەۆ داڭعىلىندا ەلىمىزدىڭ نەگىزىن قالاپ، ونى دامىتۋعا باعا جەتپەس ۇلەس قوسقانىڭىز ءۇشىن ءسىزدىڭ ەسكەرتكىشىڭىزدى ورناتۋ تۋرالى ۇسىنىسىمدى قابىلداۋىڭىزدى سۇرايمىز".
⠀
2) قولاستىڭىزداعى جىگىتتىڭ ءسوزىن جاعىمپازدىق ەمەس دەيسىز. الماتىدا ءبىر ەمەس، ەكى جەردە تۇڭعىش پرەزيدەنتتىڭ ءمۇسىنى تۇر. جاعىمپازدىق دەمەگەننىڭ وزىندە، ءبىر قالادا ءبىر كىسىگە ءۇشىنشى ءمۇسىننىڭ قويىلعانىن دۇرىس سانايسىز با؟ ادامعا ءتىرى كەزىندە ەسكەرتكىشتىڭ قويىلۋىنا كوزقاراسىڭىز قانداي؟

3) قولاستىڭىزداعى جىگىت تۇڭعىش پرەزيدەنتتى "ەلىمىزدىڭ نەگىزىن" قالاۋشى دەپ وتىر. سان عاسىرلىق تاريحىمىز، كەرەي مەن جانىبەك سياقتى ەلدىگىمىزدىڭ ىرگەتاسىن قالاپ كەتكەن تۇلعالارىمىز باردا وسىلاي سويلەۋ ءبىز ءۇشىن گەوساياسي تاۋەكەلدى ارتتىرىپ، ەلىمىزگە كەسىرىن تيگىزۋى مۇمكىن دەپ ويلامايسىز با؟ الدە "جاس وتان" ەلىمىزدىڭ تاريحى تەك سوڭعى 30 جىلمەن شەكتەلەدى دەپ ساناي ما؟

4) حالىقتى اقىماق كورۋدى قاشان قوياسىزدار؟

 

 

 

 

 

پوسموترەت ەتۋ پۋبليكاسيۋ ۆ Instagram

 

 

سوڭعى كەزدەرi الەۋمەتتiك جەلiدە تەك ايىپتاۋ نەمەسە سىناۋ عانا ۇلكەن «سۇرانىسقا» يە. قانداي تاقىرىپ، پiكiرتالاس بولسىن تەك قۇر مىسالدار مەن بiر جاقتى قوزقاراسپەن جازىلادى. جاقىندا «جاسوتاندىق ءمادي اxمەتوۆ ەلباسىنا ارناپ ەسكەرتكىش قويۋدى ۇسىندى» دەپ الەۋمەتتiك پلاتفورمالار شۋلاپ جاتتى. قولدانۋشىلاردىڭ بiر ءبولiگi، ءمادي نەگە بارشا جاستاردىڭ اتىنان سويلەدi دەسە، ەكiنشiلەرi جاعىمپازدىقتان جاسالعان ۇسىنىس دەپ ايتتى. بiز، ەلباسى ءوزi قۇرعان 20 جىلدىق تاريحى بار، ەلiمiزدiڭ ەڭ ۇلكەن «Nur Otan» پارتياسىنىڭ جاستار قاناتىمىز. ءوز بiلiمiمiز بەن كۇشiمiزدi، بولاشاقتا ەل تiزگiنiن بەكەم ۇستايتىن، ەلiمiزدiڭ مىزعىماستىعىن نىعايتاتىن، كوك بايراعىمىزدى كوككە كوتەرەتiن، جۇرەگi «ەلiم، جەرiم» دەپ سوعاتىن ۇلت جاندى جاستاردى تاربيەلەيمiز. ءاربiر جاسوتاندىق كۇندەلiكتi iسiمەن بiلiم، عىلىم، مادەنيەت، سپورت سالاسىندا ەلiمiزدiڭ قارىشتاپ دامۋىنا سۇبەگەلi ۇلەسiن قوسۋدا. ءاربiرەۋi تەك سوزبەن عانا ەمەس، iسپەن الدە قايدا دالەلدەپ،جاساپ جاتىر. ماديگە كەلەتiن بولساق، بىرىنشىدەن، ءمادي بارشا قازاقستاندىق جاستاردىڭ ەمەس، ءوز اينالاسىنداعى، قاسىندا جۇرگەن جاستاردىڭ ۇسىنىسىن جەتكىزدى. ەكىنشىدەن، بۇل ۇسىنىس جاعىمپازدىق ەمەس، بۇل ەلباسىنىڭ قازاقستان ءۇشىن ارناعان ءومىرى مەن سىڭىرگەن ەڭبەگiنiڭ كورiنiس ءارى بەرiلگەن ماداعى، مۇنى ءار قازاقستاندىق جاقسى بىلەدى ءارى باعالايدى دەپ ويلايمىن. #jasotan #جاڭاالەمگەجولسالامىز

پۋبليكاسيا وت Daulet Karibek (@daulet_karibek) 22 يۋن 2019 ۆ 8:09 PDT