تۇركىستان وبلىسى ارىس قالاسىندا بولعان جارىلىسقا بايلانىستى قالا اكىمدىگى رەسمي مالىمدەمە جاسادى دەپ حابارلايدى Qamshy.kz اقپارات اگەنتتىگى. 

«24 ماۋسىم ساعات 09:20-دا ءورت ءسوندىرۋ قىزمەتىنە №44856 اسكەري ءبولىمنىڭ قويماسىندا جارىلىس بولىپ، ءورت شىققانى تۋرالى حابارلاما كەلىپ ءتۇستى. وقيعا ورنىنا وبلىستىق تجد جەكە قۇرامىنىڭ 52 ادامى مەن 12 تەحنيكاسى جۇمىلدىرىلدى. سونداي-اق شىمكەنتتەگى كينولوگيالىق قىزمەتتىڭ 23 ادامى اتتاندىرىلدى. قازىرگى تاڭدا وقيعا ورنىندا ءورت ءسوندىرۋ شارالارى مەن ەۆاكۋاسيالىق جۇمىستار جۇرگىزىلۋدە. توتەنشە جاعدايدان زارداپ شەككەندەر تۋرالى اقپارات انىقتالۋدا»، - دەلىنگەن ارىس قالاسى اكىمدىگىنىڭ رەسمي مالىمەتىندە.

وسى جاعدايعا بايلانىستى تۇركىستان وبلىسى اكىمدىگىنىڭ باسشىلىق قۇرامى وقيعا ورنىنا اتتانىپ كەتتى.

ارىس قالاسىنداعى اسكەري ءبولىمنىڭ قويماسىندا جارىلىس بولعاندىعى تۋرالى بۇعان دەيىن حابارلاندى. شىمكەنت قالالىق تجد شۇعىل جەلى قۇردى.

ق ر قورعانىس مينيسترلىگى رەسمي اقپارات تاراتىپ، وسى ۋاقىتتاعى جاعداي بويىنشا قازا بولعاندار مەن زارداپ شەككەندەر جوقتىعىن ءمالىم ەتتى. «مينيسترلىك تاراپىنان وقيعا ورنىنا ارنايى كوميسسيا جونەلتىلدى»، - دەدى ۆەدومستۆودان.