بۇگىن ارىس قالاسىنداعى ءوق-دارى ساقتايتىن اسكەري قويمادا جارىلىس بولىپ، ءورتتىڭ جالىنى قالانى تۇگەل قامتىدى. شوشىنعان حالىق بالاسىن جەتەكتەپ، قۇجاتىن الىپ بەتى اۋعان جاققا بوسىپ بارادى دەپ جازادى Qamshy.kz اقپارات اگەنتتىگى.

الەۋمەتتىك جەلى قولدانۋشىلارىنىڭ سوزىنە سەنسەك، ءقازىر حالىقتىڭ دەنى ارىستان 30-35 شاقىرىم جەردەگى بوساعا تاۋىنىڭ باسىنا شىعىپ كەتكەن. 

حالىقتى زالالسىزداندىرۋعا 40 اۆتوبۋس ءبولىنىپ، 15 پۋنكت تاعايىندالعان. دەگەنمەن، قالاعا بارار جولدىڭ كەپتەلىسى سۇمدىق. ۆيدەودا بوس ورىنى بار كولىكتەردىڭ بالالى ايەلدەردى، قول كوتەرگەن ازاماتتاردى الىپ كەتپەي جاتقانىن انىق كورۋگە بولادى. 

قورعانىس مينيسترلىگىنىڭ مالىمەتىنشە، ارىستاعى اپاتتان ازىرگە ەشكىم جاراقات الىپ، جاپا شەكپەگەن. 

"بۇگىن ارىس قالاسىنداعى اسكەري ءبولىم اۋماعىندا ۇلكەن جارىلىس بولدى. ءدال وسىنداي جاعداي وسىدان 10 جىل بۇرىن (2009 جىلى، 20 ناۋرىز) كۇنى بولعان. قازىرگى تاڭدا ءبىزدىڭ اۋىلدىڭ حالقى (ارىس اۋدانى، شوگىرلى اۋىلى) اۋىلدان 30-35 شاقىرىم جەردەگى "بوساعا" تاۋىنىڭ باسىندا وتىر. ەلىمىز امان، جۇرتىمىز تىنىش بولسىن"، - دەپ جازادى نۇرجان قوڭىرباي ەسىمدى جەلى قولدانۋشىسى.