بۇگىن تاڭەرتەڭ ارىس قالاسىنداعى ءوق-دارى ساقتالعان اسكەري قويما جارىلىپ، ادامدار جۇكتەگەن بەينەجازبالار جەلىدەگىلەردىڭ ۇرەيىن تۋعىزدى دەپ جازادى Qamshy.kz اقپارات اگەنتتىگى.
ۆيدەو اۆتورلارىنىڭ ايتۋىنشا، جارىلعان وق-دارىلەردەن ءۇيدىڭ قابىرعاسى دىرىلدەگەن. 40 اۆتوبۋس ارنايى تۇرعىنداردى ءقاۋىپسىز جەرلەرگە كوشىرۋ ءۇشىن جۇمىس جاساۋدا. 15 زالالسىزداندىرۋ پۋنكتى اشىلىپ، قالا تۇرعىندارى سول جەرگە جەتكىزىلىپ جاتىر.
"ءبارى قولىنان كەلگەنشە جەدەل قاشىپ كەتىپ جاتىر. بارلىق جەردە جول كەپتەلىسى. قۇجاتتاردى الدىق تا قاشتىق. ارتى نە بولاتىنىن بىلمەيمىز. ءبىر تىلەيتىنىمىز – امانشىلىق بولسا ەكەن. جارىلىستان قابىرعامىز دىرىلدەپ كەتتى. بىرەۋلەر شىمكەنتكە، بىرەۋلەر تۇركىستانعا كەتىپ جاتىر"، - دەيدى قالا تۇرعىنى.
ۆيدەو اۆتورى ەلدىڭ جىلاپ جۇرگەنىن ايتىپ، ءتىلىن كاليماعا كەلتىرەدى. بالا جەتەكتەگەن، ەتەگى جەلبىرەگەن ايەلدەر، ابىر-سابىر بولعان ەر كىسىلەر، كەپتەلىس، سنارياد داۋىسى...
ال قورعانىس مينيسترلىگى زارداپ شەككەندەر مەن قازا تاپقانداردىڭ جوقتىعىن ايتىپ باعۋدا.
پىكىر قالدىرۋ