جارىلىس ورىن الىپ، كۇن جارىقتا ەلدىڭ بەرەكەسىن العان اسكەري قويما "يۋگ" ("وڭتۇستىك") ايماقتىق باسقارماسىنا قاراستى. ال بۇل باسقارمانى مايور شەنىندەگى قايدار قاراقۇلوۆ باسقارادى دەپ جازادى Qamshy.kz اقپارات اگەنتتىگى.

ارىستاعى اسكەري گارنيزون – "يۋگ" ايماقتىق باسقارماسىنىڭ ءبولىمى. ىرگەتاسى 2003 جىلى قالانعان. "يۋگ" ايماقتىق باسقارماسىنىڭ قاراماعىنا ءتورت وبلىستىڭ تەرريتورياسى ەنەدى: الماتى، جامبىل، تۇركىستان جانە قىزىلوردا وبلىسى. ايماقتىق باسقارمانىڭ باس شتابى تاراز قالاسىندا ورنالاسقان.

"يۋگ" ايماقتىق باسقارماسى – ق ر قارۋلى كۇشتەرىنىڭ ەڭ جىلدام ارەكەت ەتەتىن تەرريتوريالىق ۇيىمى. ۇيىمنىڭ باستى مىندەتى – ەلىمىزدىڭ وڭتۇستىك-شىعىسىنداعى وبلىستاردىڭ حالقىنىڭ قاۋىپسىزدىگىن قاماتاماسىز ەتۋ.

اتالعان ۇيىمعا ۇستىمىزدەگى جىلدىڭ 17-مامىرى كۇنى گەنەرال-مايور قايدار قاراقۇلوۆ باسشى بولىپ تاعايىندالعان. 45 جاستاعى قاراقۇلوۆ  الماتى اسكەري ۋچيليششەسىن ءتامامدعان.

گەنەرال-مايور ءبىرقاتار جاۋاپتى قىزمەتتەردى اتقارعان. اتاپ ايتساق، "يۋگتىڭ" 5ء-شى مەحانيزاسيالانعان بريگاداسىن باسقاردى. ودان بولەك، ءدال وسى ۇيىمنىڭ باسشىسىنىڭ ءبىرىنشى ورىنباسارى قىزمەتىن اتقارعان.

قاراقۇلوۆقا دەيىن بۇل ۇيىمدى ءۇش جىلعا جۋىق ۋاقىت گەنەرال-مايور مارات حۋساينوۆ باسقارعان. حۋساينوۆ 2018 جىلدىڭ مامىر ايىندا جاۋاپتى قىزمەتى ءۇشىن ءىى دارەجەلى "داڭق" وردەنىمەن ماراپاتتالدى.

جالپى ءارتۇرلى ۋاقىت مەجەسىندە "يۋگ" ايماقتىق باسقارماسىن ءۋالي ەلامانوۆ، باحتيار سىزدىقوۆ، بولات داربەكوۆ، تالعات قويباقوۆ سىندى شەندى ازاماتتار باسقارعان.