پرەزيدەنت قاسىم-جومارت توقايەۆ اۋىر ومىرلىك جاعدايعا قالعان وتباسىلاردىڭ كرەديتىن كەشىرۋدى تاپسىردى، - دەپ حابارلايدى Qamshy.kz اقپارات اگەنتتىگى.
⠀
بۇل تۋرالى اقوردا سايتىندا جاريالاندى.
⠀
"ۇكىمەت ءبىر جولعى تارتىپپەن ەكىنشى دەڭگەيدەگى بانكتەر مەن ميكروقارجى ۇيىمدارىندا كەپىلزاتسىز تۇتىنۋشىلىق قارىزدار بويىنشا بەرەشەكتى كەلەسى تالاپتاردا وتەۋ جونىندە شارالار قابىلداسىن:
⠀
1) كوپ بالالى وتباسىلار، اسىراۋشىسىنان ايرىلۋ جاعدايى بويىنشا تولەم الاتىن وتباسىلار، مۇگەدەك بالالارى بار وتباسىلار، 18 جاستان اسقان بالا جاسىنان مۇگەدەكتەر، مەملەكەتتىك اتاۋلى الەۋمەتتىك كومەك الۋشىلار؛ كامەلەتكە تولعانعا دەيىن اتا-انالارىنان ايىرىلعان جيىرما توعىز جاسقا تولماعان جەتىم بالالار، اتا-اناسىنىڭ قامقورلىعىنسىز قالعان بالالار اتالعان قارىزدار بويىنشا بورىشكەرلەر بولىپ تابىلادى.؛
⠀
2) 2019 جىلعى 1 ماۋسىمداعى جاعداي بويىنشا قارىز بويىنشا جالپى بەرەشەك 3 000 000 (ءۇش ميلليون) تەڭگەدەن اسپايدى؛
⠀
3) 2019 جىلعى 1 ماۋسىمداعى جاعداي بويىنشا نەگىزگى بورىش پەن ول بويىنشا ەسەپتەلگەن سىياقىدان تۇراتىن وتەلەتىن بەرەشەكتىڭ مولشەرى ءبىر قارىز الۋشىعا 300 000 (ءۇش ءجۇز مىڭ) تەڭگەدەن اسپايدى"، - دەلىنگەن قاۋلىدا.
⠀
پرەزيدەنت ۇكىمەتكە جانە ۇلتتىق بانككە تاپسىرما بەردى:
⠀
1) 2019 جىلعى 1 شىلدەدەگى جاعداي بويىنشا بانكتەردە جانە ميكروقارجى ۇيىمدارىندا كەپىلسىز تۇتىنۋشىلىق قارىزدارى بار قازاقستان ازاماتتارىنا ەسەپتەلگەن ايىپپۇلدار مەن وسىمدەردى ەسەپتەن شىعارۋ جونىندە شارالار قابىلداسىن؛
⠀
2) نۇر-سۇلتان، الماتى، شىمكەنت جانە وبلىستاردىڭ اكىمدەرىمەن بىرلەسىپ، وسى جارلىقتى ىسكە اسىرۋ جونىندە وزگە دە شارالار قابىلداسىن.
⠀
3) ۇلتتىق بانك قارجى ۇيىمدارىنىڭ جاۋاپكەرشىلىگىن كۇشەيتۋ جونىندەگى رەتتەۋشىلىك سيپاتتاعى شارالار كەشەنىن قابىلداسىن.:
1. 90 كۇننەن استام مەرزىمى وتكەن بەرەشەگى بار جەكە تۇلعالاردىڭ بارلىق كەپىلسىز تۇتىنۋشىلىق قارىزدارى بويىنشا كرەديت بەرۋگە جانە وعان قىزمەت كورسەتۋگە بايلانىستى تۇراقسىزدىق ايىبىن، كوميسسيالاردى جانە وزگە دە تولەمدەردى ەسەپتەۋگە تىيىم سالۋ؛
2. تابىسى ەڭ تومەنگى كۇنكورىس دەڭگەيىنەن تومەن ازاماتتارعا قارىز بەرۋگە تىيىم سالۋ؛
3. كەپىلسىز تۇتىنۋشىلىق زاەمداردى بەرۋ كەزىندەگى قوسىمشا رەتتەۋ شارالارى.
⠀
جارلىقتىڭ ورىندالۋىن باقىلاۋ پرەزيدەنت اكىمشىلىگىنە جۇكتەلگەن. جارلىق قول قويىلعان كۇنىنەن باستاپ قولدانىسقا ەنگىزىلەدى.