قمدب قىزمەتكەرلەرى ارىس قالاسىنداعى قايعىلى وقيعاعا بايلانىستى ءبىر كۇندىك جالاقىلارىن زارداپ شەككەندەرگە اۋدارادى، دەپ حابارلايدى Qamshy.kz اقپارات اگەنتتىگى قمدب باسپا ءسوز قىزمەتىنە سىلتەمە جاساپ.
باس ءمۇفتي سەرىكباي قاجى وراز باستاماشى بولىپ وسىنداي يگى ءىستى قولعا الدى. اتالعان ساۋاپتى ىسكە ءار قىزمەتكەر ءوز ەركىمەن كەلىسىپ وتىر. اتالعان ءىستىڭ باستاماشاسى بولعان باس ءمۇفتي: «بۇل دىنىمىزگە ساي كەشەگى اپاتتان زارداپ شەككەندەرگە كومەك بەرۋ ماقساتىندا جۇزەگە اسپاق. ءقازىردىڭ وزىندە نۇر-سۇلتان قالاسىنداعى بىرنەشە مەشىتتەردە «ەلوردا اسارى» اتتى قايىرىمدىلىق شاراسى باستالىپ كەتتى. كۇنى كەشە توسىننان كەلگەن اپاتقا توسىرقاپ قالعان ەل-جۇرتتى سابىرعا شاقىرۋ ماقساتىندا جەرگىلىكتى مەشىتتەرىمىز اۋقىمدى جۇمىستار اتقاردى. اناسىنان اداسىپ قالعان بالالار سول ماڭايداعى مەشىتتەردى پانالادى. ودان بولەك شىمكەنت پەن تاراز قالاسىنداعى ءىرى مەشىتتەر دە ساۋاپتى ىسكە ورتاقتاسۋدا. قازاقتا «قايعىنى بولىسسەڭ ازايادى» دەگەن بار.
مىنە، قيىن كۇندەردە ءبىر جاعادان باس، ءبىر جەڭنەن قول شىعارىپ جۇمىلا جۇدىرىق بوپ جاتىرمىز. بارشاسىنا اللا رازى بولسىن. ءبىزدىڭ قىزمەتكەرلەر دە ءبىر كۇندىك جالاقىسىن ارىستاعى اعايىنعا اۋدارۋدى ءجون سانادى» - دەدى. ايتا كەتەيىك، باس ءمۇفتيدىڭ تاپسىرماسىنا ساي ارىس حالقىنا شىمكەنت جانە تۇركىستان وبلىسىنداعى وكىلدىكتەر دە جان-جاقتى كومەك بەرۋدە.
پىكىر قالدىرۋ