ق ر قورعانىس ءمينيسترىنىڭ ورىنباسارى تيمۋر داندىبايەۆ ارىستاعى جارىلىستان كەيىن اۋادا قالقىعان «ساڭىراۋقۇلاق» تيپتەس بۇلتتىڭ پايدا بولۋ سەبەبىن ءتۇسىندىرىپ بەردى دەپ جازادى Qamshy.kz اقپارات اگەنتتىگى.
"بۇل جارىلىستان كەيىن ادەتتەگى ءتۇتىن. مۇنداي بۇلت قالۋى ءۇشىن مىندەتتى تۇردە يادرولىق جارىلىس بولۋى قاجەت ەمەس. ونىڭ ساڭىراۋقۇلاققا ۇقسايتىنى راس. ويتكەنى، جارىلىس ورىن العان جەردە ۇلكەن دارىلىك كۇش بولدى. قازىرگى ۋاقىتتا ارنايى كوميسسيا قۇرىلىپ، جارىلىستىڭ سالدارىن انىقتاۋ ۇستىندە. رەسمي قورىتىندى شىققان سوڭ بۇل سۇراقتارعا جاۋاپ بەرەمىز"، - دەدى تيمۋر داندىبايەۆ.
ءمينيستردىڭ ورىنباسارىنىڭ ايتۋىنشا، جارىلىس ورىن العان اسكەري قويمادا ەشقانداي يادرولىق قارۋلار بولماعان.
"ول جەردەگى جارىلعان قارۋلار ەشقانداي يادرولىق قۇرىلعىلار بولماعان. بۇل جارىلىستىڭ سالدارى قالا تۇرعىندارىنا ەش كەرى اسەر ەتپەيدى"، - دەپ ءتۇيدى ءسوزىن ءمينيستردىڭ ورىنباسارى.
پىكىر قالدىرۋ