ارىس قالاسىنداعى جارىلىستان كەيىن ەۆاكۋاسيالىق ورتالىقتاردا 24 مىڭنان استام ادام تىركەلگەن دەپ جازادى Qamshy.kz اقپارات اگەنتتىگى.
بۇل تۋرالى تۇركىستان وبلىسى اكىمىنىڭ باسپا ءسوز قىزمەتى حابارلادى.
"ەۆاكۋاسيالىق پۋنكتتەردە 24 مىڭنان استام ادام تىركەلدى. ونىڭ ىشىندە: شىمكەنت قالاسىندا 20 مىڭ، تۇركىستان وبلىسىنىڭ اۋداندارىندا 4 مىڭنان استام ادام ءتيىستى كومەك الۋدا. ارىس قالاسىنداعى توتەنشە جاعدايعا بايلانىستى تۇركىستان وبلىسى مەن شىمكەنت قالاسىندا 70-كە جۋىق قونىستانۋ ورتالىقتارى جۇمىس ىستەۋدە. حالىق ورنالاسقان ورتا مەكتەپ، كوللەدج، بالاباقشا، مەكتەپ-ينتەرناتتاردا ەۆاكۋاسيالانعان ازاماتتارعا بارلىق قاجەتتى جاعدايلار جاسالعان" دەپ حابارلادى وبلىس اكىمىنىڭ باسپا ءسوز قىزمەتى.
پىكىر قالدىرۋ