ارىس قالاسىنداعى اسكەري قويمادا جارىلعان جارىلعىش زاتتاردىڭ الەگىنەن كەيىنگى تەكسەرۋ كەزىندە پوليسيا قىزمەتكەرلەرى 37 باس ءىرى قارا، 150 يەسىز قوي تاپتى. اتالعان تۇلىكتەر قازىرگى تاڭدا ارنايى كۇزەتتىڭ قاراماعىندا دەپ جازادى Qamshy.kz اقپارات اگەنتتىگى.

تۇركىستان اكىمشىلىگىنىڭ مالىمەتىنە سۇيەنسەك، ارىس قالاسىنداعى جاعدايعا بايلانىستى تۇركىستان وبلىستىق پوليسيا دەپارتامەنتىنىڭ 448 قىزمەتكەرى جانە 75 اۆتوترانسپورتى جۇمىس جاساعان.

ۇلتتىق گۆارديانىڭ ءا/ب №6506 580 اسكەري قىزمەتكەرى جانە 36 ارنايى تراسپورت، ونىڭ ىشىندە  جول تالعامايتىن «ۋرال» كولىگى ەۆاكۋاسيالاۋ ىسىندە جۇمىس جاسادى. سونداي-اق، اسكەري پولسيانىڭ 10 قىزمەتكەرى، №0358 اسكەري ءبولىمىنىڭ 200 قىزمەتكەرى حالىقتى زالالسىزداندىرۋعا اتسالىستى. بارلىعى 1238 قىزمەتكەر ارىستاعى اپاتتى اۋىزدىقتاۋ ءۇشىن ارەكەت ەتكەن.

سونىمەن قاتار، ق ر قورعانىس مينيسترلىگىنە قاراستى 1800 اسكەري قىزمەتكەر مەن 50 ارنايى تەحنيكا جۇمىسقا تارتىلدى. ارىس قالاسىنداعى توتەنشە جاعدايدان كەيىنگى ەكىنشى كۇندە پوليسيا دەپارتامەنتىنىڭ قىزمەتكەلەرى 4 ۇرلاۋ فاكتىسىن تىركەگەن. اۋدانارالىق جولدارعا، ماڭىزى بار تراسسالارعا 20 جەردەن بەكەت قويىلعان. بۇۇل قالاداعى ءقاۋىپتى جاعدايدان تۇرعىندار زارداپ شەكپەسى ءۇشىن جاسالعان قاۋىپسىزدىك شاراسى.

ايتا كەتۋ كەرەك، پولسيا دەپارتامەنتى مەن قورعانىس مينيسترلىگىنىڭ بولىمشەسى تىزە قوسىپ، قالانى مينادان تازارتۋ جۇمىستارىن جۇرگىزدى. ناتيجەسىندە قالا ماڭىنان، كوشەلەردەن جارىلىپ ۇلگەرمەگەن 130-دان استام سنارياد تابىلعان. بۇدان ءبىرشاما ۋاقىت بۇرىن تۇركىستان وبلىسى اكىمىنىڭ كەڭەسشىسى ساكەن قالقامانوۆ 70-كە جۋىق جارىلماعان سناريادتاردىڭ بار ەكەنىن جەتكىزگەن ەدى.