الماتى قالاسىنا جاقىن ماڭدا ورنالاسقان اۋىل تۇرعىندارى اۋىز سۋ ماسەلەسىن شەشۋدى تالاپ ەتىپ، تالعار تراسساسىن جاۋىپ تاستادى دەپ جازادى Qamshy.kz اقپارات اگەنتتىگى.
جەلىدە كەڭىنەن تاراپ جاتقان بەينەروليكتەر مەن حابارلامالارعا سەنسەك، بەساعاش اۋىلىنىڭ تۇرعىندارى اۋىز سۋ ماسەلەسىن شەشىپ بەرۋدى تالاپ ەتىپ، جول-كولىك قوزعالىسىنا كەدەرگى جاساۋدا. بەينەروليكتەردە ادام قاراسىنىڭ كوپتىگى، اراسىندا پوليسيا قىزمەتكەرلەرىنىڭ جۇرگەنى بايقالادى.
جولدى جاپقان اۋىل تۇرعىندارى ءۇش كۇن بويى اۋىز سۋسىز وتىرعاندارىن ايتىپ، شاعىم تۇسىرۋدە. بەساعاش - الماتى قالاسىنان بىرنەشە شاقىرىم جەردە ورنالاسقان اۋىل.
الماتى وبلىسىنىڭ اكىمدىگى اتالعان جاعدايعا بايلانىستى مالىمدەمەنى ءبىرشاما ۋاقىتتان سوڭ جاسايتىنىن ايتادى.
پىكىر قالدىرۋ