30-ماۋسىمدا نيۋ-يوركتە الەمنىڭ كۇللى ەلىنەن ءبىرجىنىستىلار جينالىپ، 4 جىلدا ءبىر رەت بولاتىن دۇنيەجۇزىلىك گەي-پاراد ءوتتى. بۇل تۋرالى "رادۋجنايا امەريكا" توبىنىڭ Facebook-تەگى حابارلاماسىنا سۇيەنە وتىرىپ Qamshy.kz اقپارات اگەنتتىگى حابارلايدى.
اقش-تا العاش رەت الەمدىك دەڭگەيدەگى گەي-پاراد ءوتتى. بۇل ءىس-شارا ءبىرجىنىستىلاردىڭ ءوز قۇقىقتارى ءۇشىن كۇرەسۋىنىڭ 50 جىلدىق مەرەيتويىنا ارنالدى.⠀
سول كەزدە، كوپ جىل بۇرىن، شەرۋ نيۋ-يوركتە "ستوۋنۆولل" بارىندا باستالدى. سودان كەيىن اكسيالار الەمنىڭ ءار بۇرىشىندا ءوتتى.
بۇل شەرۋ، شەرۋدىڭ ونلاين-كورسەتىلىمى 4 ميلليوننان استام ادامدى قامتىدى. ⠀
نيۋ-يوركتەگى گەي-پارادتاعى تمد ەلدەرى وكىلدەرىنىڭ ورىس ءتىلدى كولونناسى مەملەكەتتىك تۋ استىنا ستيلدەنگەن ايتارلىقتاي كولەمدى پلاكاتتى ورىستەتىپ، قازاقستاندى جەكە ءبولىپ كورسەتتى.
"ءبىز ءبارىمىز ءبىر كۇننىڭ استىندا تۇرامىز"، - دەگەن ۇراندى قولداندى دەمونسترانتتار.
قازاقستان تۋىنىڭ شەرۋدە كورىنىس بەرگەنى كەزدەيسوقتىق ەمەس. ويتكەنى، لگبت-بوسقىندار سانى بويىنشا قازاقستان تمد ەلدەرى اراسىندا 3ء-شى ورىندا تۇر. سونىمەن قاتار، اقش-تا ەلدەگى ءبىرجىنىستىلاردىڭ جاعدايى ءجيى تالقىلانۋدا.
پىكىر قالدىرۋ