"Consolidated Contracting Engineering & Procurement S.A.L. Offshore (سسەر)" باس ديرەكتورى كاۋاش حيشام جاعدايدى رەتتەۋ ءۇشىن اتىراۋعا كەلدى دەپ جازادى Qamshy.kz اقپارات اگەنتتىگى.
كاۋاش حيشامنىڭ الەۋمەتتىك جەلىلەردە جاريالانعان بەينە ۇندەۋىندە ايتىلعانداي، ول تەڭىز جۇمىس كەنتىندەگى سسەر كومپانياسىنىڭ قىزمەتكەرلەرى اراسىنداعى جانجال تۋرالى بىلگەن بويدا، جاعدايدى رەتتەۋ ءۇشىن بىردەن اتىراۋ وبلىسىنا كەلدى.
"قايىرلى كۇن! مەن ەلي داۋدتىڭ ىس-ارەكەتى ءۇشىن بارلىعىنان كەشىرىم سۇراعىم كەلەدى. سسس باسشىلىعى مەن قىزمەتكەرلەرىنىڭ اتىنان بۇل ءسسس-دىڭ ساياساتىنا، قۇندىلىقتارى مەن قاعيداتتارىنا سايكەس كەلمەيتىن كەلەڭسىز وقيعا بولعانىن ايتقىم كەلەدى.مەن وسى وقيعا تۋرالى بىلگەننەن كەيىن ونىمەن اراداعى كەلىسىم-شارت بۇزىلىپ، ول جۇمىستان بوساتىلدى. ءبىز وسى جاعدايعا قاتىستى تولىق ىشكى تەرگەۋ جۇمىستارىن جۇرگىزىپ، قاجەتتى شارالاردى قابىلدايتىن بولامىز. قولىمدى جۇرەگىمە قويىپ، ءسسس-دىڭ ءوزىنىڭ باۋىرلاس قازاقتارعا ەرەكشە قۇرمەتپەن قارايتىنىن ايتقىم كەلەدى. مەن بولعان ءجايت ءۇشىن تاعى دا كەشىرىم سۇرايمىن. وسى وقيعا تۋرالى ەستىگەن بويدا دەرەۋ اتىراۋعا جاعدايدى رەتتەۋ ءۇشىن ۇشىپ شىقتىم. بۇگىنگى تاڭدا تەڭىزدەگى جاعداي تۇراقتى، ءولىم-جىتىم، اۋىر دەنە جاراقاتتارى بولعان جوق"،- دەدى كاۋاش حيشام ءوزىنىڭ بەينە ۇندەۋىندە.
پىكىر قالدىرۋ