وتكەن تۇندە الماتى قالاسىنداعى سەيفۋللين داڭعىلىنىڭ بويىندا ازاماتتارعا ينتيمدىك قىزمەت كورسەتەتىن قىزداردى قۇرىقتاۋ وپەراسيالارى جۇرگىزىلىپ، جەزوكشەلەر وشاعى انىقتالدى دەپ جازادى Qamshy.kz اقپارات اگەنتتىگى Zakon.kz سايتىنا سىلتەمە جاساپ.
رەيد شاھارعا جاڭادان كەلگەن اكىم باقىتجان ساعىنتايەۆتىڭ بۇيرىعىمەن جۇزەگە استى. اتالعان وپەراسيانى جۇزەگە اسىرۋ ءۇشىن پوليسيا قىزمەتكەرلەرىمەن بىرگە سوبر جاۋىنگەرلەرى دە جۇمىس جاسادى.
"ءبىر ءتۇن ىشىندە سەيفۋللين داڭعىلىنىڭ بويىنان 130 ادام ۇستالدى. ولاردىڭ ىشىندە ينتيمدىك قىزمەت كورسەتەتىن 53 ايەل، پاتەرلەردى جالعا بەرەتىن 13 ادام، جەڭىل ءجۇرىستى قىزداردى تاسىمالدايتىن بەس جۇرگىزۋشى قۇرىقتالعان. 58 قۇقىق بۇزۋشى اكىمشىلىك جاۋاپكەرشىلىككە تارتىلعان. ولاردىڭ 28ء-ى سانالى تۇردە جەزوكشەلىكپەن اينالىسقاندار، بەسەۋى ۇساق بۇزاقىلىققا بارعاندار، 11ء-ى قوعامدىق ورىندا الكاگول ءونىمىن تۇتىنعانى ءۇشىن، 19 ادام قالانىڭ تازالىعىن لاستاعانى ءۇشىن، توعىزى ق ر كوشى-قون زاڭناماسىن بۇزعانى ءۇشىن ۇستالدى"، - دەپ مالىمدەدى الماتى قالالىق پوليسيا دەپارتامەنتىنىڭ باسشىسىنىڭ ورىنباسارى، پولكوۆنيك ءىزباسار بەكۋتروۆ.
بۇدان بولەك، رەيد بارىسىندا جەڭىل ءجۇرىستى قىزداردىڭ ينتيمدىك قىزمەت كورسەتۋىنە جاعداي جاساعان قوناق ۇيلەر دە تىزىمگە الىندى. ولاردىڭ يەلەرى جاۋاپكەرشىلىككە تارتىلدى. ءبىر تۇندە سالىنعان ايىپپۇلداردىڭ جالپى كولەمى – 315 625 تەڭگە.
پىكىر قالدىرۋ