الماتىدا شىنى سىنىعىمەن ەر ادامنىڭ موينىنان كەسىپ ءولتىرىپ كەتكەن دەپ جازادى Qamshy.kz اقپارات اگەنتتىگى كتك ارناسىنىڭ سايتىنا سىلتەمە بەرە وتىرىپ.
الماتى وبلىستىق پوليسيا دەپارتامەنتىنىڭ مالىمەتىنشە، قاسكەلەڭ قالالىق اۋرۋحاناسىنا موينى جاراقاتانعان ەر ادام اۋىر حالدە تۇسكەن.
دارىگەرلەردىڭ كومەگىنە قاراماستان 50 جاستاعى زارداپ شەگۋشى ەسىن جيماستان كوز جۇمدى.
ونى ەڭبەك الاڭىندا جالدامالى جۇمىسشىلار اراسىندا كورگەندەر بار ەكەن. پوليسيا ولىمگە قاتىستى كۇدىكتىنى ۇستادى.
"ىرگەلى اۋىلىنىڭ تۇرعىنى ۇستالدى. ولار ءبىر بىرىمەن تانىس بولعان. مارقۇم ەر ادام دا، كۇدىكتى نە ءارتۇرلى جۇمىس ىستەپ اقشا تاۋىپ جۇرگەن. ەكەۋى جاندالداسىپ قالىپ، سوڭىندا توبەلەسەدى. كۇدىكتى مارقۇمنىڭ موينىن شىنى سىنىعىمەن كەسىپ جىبەرەدى. وقيعاعا قاتىستى تەرگەۋ ءجۇرىپ جاتىر"، - دەدى وبلىستىق پوليسيا دەپارتامەنتى.
