الەۋمەتتىك جەلىدە 8 جاستاعى بالانى اكەسى ارماتۋرامەن ۇرعانى باياندالعان ۆيدەو تارادى. بەينەجازباداعى اقپاراتقا سايكەس، وڭباي تاياق جەگەن بالا ءقازىر الماتى وبلىسى ەڭبەكشىقازاق اۋدانىنىڭ ەسىك قالاسىنداعى اۋرۋحاناسىندا جاتىر دەپ حابارلايدى Qamshy.kz اقپارات اگەنتتىگى.
"8 جاسار بالانى ءوز اكەسى ارماتۋرامەن ۇرىپ، ءولىمشى كۇيگە جەتكىزگەن. اناسى دا ءدال وسىنداي كۇيدە باس ساۋعالاپ قاشىپ كەتكەن. الماتى وبلىستىق اۋرۋحاناعا تۇسكەن بالا "كومەكتەسىڭىزشى!!! اكەمدى 20 جىلعا قاماۋعا بولا ما؟" دەپ جالىنادى. ەرتەڭ اۋرۋحانادان شىقسا، ونى زاڭ بويىنشا جالعىز تۋىسى اكەسىنە عانا بەرەدى"، -دەپ جازعان جۋرناليست گۇلميرا ابىقاي ءوزىنىڭ فەيسبۋكتەگى جەكە پاراقشاسىندا.
جۋرناليست الماتى وبلىستىق پوليسيا دەپارتامەنتىنەن، زاڭگەرلەرلەر مەن بالالاردىڭ قۇقىعىن قورعاۋمەن اينالىساتىن وكىلدەردەن كومەك سۇراعان. بالانىڭ ومىرىنە اراشا تۇسكەن گ. ابىقاي مۇنداي باسسىزدىقتى "وتباسىلىق كيكىلجىڭ" دەپ قاراماۋدى سۇرايدى.
ال الماتى وبلىستىق پوليسيا دەپارتامەنتىنىڭ باسپا ءسوز قىزمەتى اتالعان ءىس بويىنشا ق ر قك 140 بابىنا سايكەس سوت الدى تەرگەۋ باستالعانىن جەتكىزدى.
پىكىر قالدىرۋ