رەسەي فەدەراسياسىنىڭ اۋە-عارىش كۇشتەرى قازاقستاننىڭ سارى-شاعان پوليگونىندا زىمىرانعا قارسى قورعانىس جۇيەسىنىڭ (زقج) جاڭا زىمىرانىن سىناقتان وتكىزدى دەپ حابارلايدى Qamshy.kz اقپارات اگەنتتىگى رف قورعانىس مينيسترلىگىنىڭ رەسمي پورتالىنا سىلتەمە جاساپ.
"سارى-شاعان سىناق پوليگونىندا اۋە-عارىش كۇشتەرى اۋە شابۋىلىنا جانە زىمىرانعا قارسى قورعانىس اسكەرىنىڭ جاۋىنگەرلىك ەسەپتوبى رەسەيلىك زىمىرانعا قارسى قورعانىس جۇيەسىنىڭ (زقج) جاڭا زىمىرانىن كەزەكتى سىناۋدى ءساتتى اياقتادى"، - دەپ جازادى.
زىمىراندى ۇشىرۋ سىناعىنىڭ ۆيدەوسى رەسەي قورعانىس مينيسترلىگىنىڭ YouTube-تەگى اككاۋنتىندا جانە تۆيتتەر پاراقشاسىندا جاريالاندى.
اۋە-عارىش كۇشتەرى اۋە شابۋىلىنا جانە زىمىرانعا قارسى قورعانىس اسكەرىنىڭ قولباسشىلىق وكىلى پاۆەل كۋزمين شارا بارىسىندا "زقج جۇيەسىنىڭ جاڭا زىمىرانى بىرنەشە رەت سىناقتان وتكىزىلگەننەن كەيىن سيپاتتاماسىندا كورسەتىلگەن مالىمەتتەردى راستاعانىن جانە جۇكتەلگەن مىندەتتى ءساتتى ورىنداعانىن" اتاپ ءوتتى.
ەستەرىڭىزگە سالا كەتەيىك، بۇل ءبىر جازدا سارى-شاعان سىناق پوليگونىندا رەسەي قورعانىس مينيسترلىگى وتكىزگەن زقج جۇيەسىنىڭ ەكىنشى زىمىران سىناعى.
#ۆيدەو روسسييسكيە #ۆكس ۆىپولنيلي وچەرەدنوي يسپىتاتەلنىي پۋسك نوۆوي پروتيۆوراكەتى سيستەمى #پرو نا پوليگونە #سارىشاگان ۆ كازاحستانە https://t.co/DVVLNA21QR #پروتيۆوراكەتا #پۋسكپروتيۆوراكەتى #ورۋجيەروسسيي #روسسياكازاحستان #ۆكس pic.twitter.com/I3nDg12guo
— مينوبورونى روسسيي (@mod_russia) 2 يۋليا 2019 گ.
پىكىر قالدىرۋ