كەيىنگى جىلدارى اۋىلداعى اعايىننىڭ قالانى بەتكە الىپ ۇدەرە كوشۋى جيىلەپ كەتكەن ەدى. ءتىپتى تۇرعىندارى از ەلدى مەكەندەر توقىراپ، تومپەشىككە اينالا باستاعىنىن دا كوزىمىز كوردى دەپ حابارلايدى Qamshy.kz اقپارات اگەنتتىگى.

وسىنداي الاعاي دا بۇلاعاي شاقتا اۋىلدىڭ تامىرىنا قان جۇگىرتىپ، رۋحىن جاڭعىرتاتىن تاماشا جوبا قولعا الىندى. ول – «اۋىل – ەل بەسىگى» جوباسى. 

ەلباسىنىڭ «رۋحاني جاڭعىرۋ» باعدارلاماسىنىڭ زاڭدى جالعاسى ىسپەتتى بولعان وسى جوبانىڭ اياسىندا شىعىس قازاقستان وبلىسىندا 120-دان استام ەلدى مەكەننىڭ جولى جوندەلىپ، سۋى تارتىلىپ، كلۋب پەن سپورتتىق عيماراتتار سالىنىپ، اۋىلدىق اۋماقتاردىڭ الەۋمەتتىك ورتاسى جاڭعىرتىلادى. 

التى جىلعا جوسپارلانعان ارنايى جوباعا قازىنادان جالپى سوماسى 90 ملرد تەڭگە قارجى ءبولۋ كوزدەلگەن. ونىڭ 30 ملرد تەڭگەءسى اعىمداعى جىلى اتقارىلاتىن جۇمىستارعا باعىتتالادى. ناقتى اتاپ ايتساق، «اۋىل – ەل بەسىگى» جوباسى گلۋبوكوە كەنتىنەن، كۇرشىم، كوكپەكتى، ءۇرجار اۋىلدارىنان باستالادى. بۇل ەلدى مەكەندەردە بيىل 2 ملرد. تەڭگەدەن استام قارجىعا ناقتى جۇمىستار جۇرگىزىلەدى.   

الدىن  الا جاسالعان ءتىزىم بويىنشا 2020-2021 جىلدارى اتالعان جوبا اياسىندا التى اۋىلدا 10 جوبا ىسكە اسىرىلادى. ناتيجەسىندە مادەنيەت، سپورت نىساندارى سالىنىپ، كوشەلەر جوندەلەدى.