قىزىلوردا وبلىسىنىڭ بالالار ۇيلەرىندە تاربيەلەنىپ جاتقان جەتكىنشەكتەر شىعىس قازاقستانعا قوناققا كەلدى. جەتىم جانە اتا-اناسىنىڭ قامقورلىعىنسىز قالعان بالاقايلاردى مۇندا تانىمدىق جازعى دەمالىس كۇتىپ تۇر دەپ حابارلايدى .
– بۇل يگى شارا وبلىس اكىمى دانيال احمەتوۆتىڭ تىكەلەي باستاماسىمەن «رۋحاني جاڭعىرۋ» باعدارلاماسى شەڭبەرىندە قولعا الىنىپ وتىر. قىزىلوردا وڭىرىنەن كەلگەن وقۋشىلار ءبىزدىڭ وبلىستا 10 كۇن بولادى. وسى ۋاقىتتا ولار شىعىستىڭ كيەلى جەرلەرىمەن تانىسىپ، تاريحي ورىنداردى كوزىمەن كورەدى. سونداي-اق بالالار ءۇشىن مەرەكەلىك شارالار، ويىن-ساۋىق باعدارلامالارىن وتكىزۋ دە قاراستىرىلعان. العاشقى ساپار كۇرشىم اۋدانىنان باستالادى، – دەپ اتاپ ءوتتى وبلىستىق ءبىلىم باسقارماسىنىڭ باسشىسى سايرانگۇل ءجۇمادىلوۆا.
باسقارما باسشىسىنىڭ ايتۋىنشا، بىلتىر شىعىس-قازاقستاندىق بالالار ءۇيىنىڭ تاربيەلەنۋشىلەرى قىزىلوردا وبلىسىنا بارىپ، سىر ەلىنىڭ قوناقجايلىعىنا ءتانتى بولىپ قايتقان ەدى. ال شىعىس جۇرتى وتكەن جىلى اقتوبە وبلىسىنان كەلگەن قوناقتاردى قارسى العان ەدى.
تانىمدىق دەمالىس مۇنىمەن اياقتالمايدى. الداعى ۋاقىتتا اپات بولعان ارىس قالاسىنان 300 بالا شىعىس قازاقستاننىڭ جازعى لاگەرلەرىندە دەمالىپ، ءوڭىردىڭ كيەلى جەرلەرىن ارالايدى.
پىكىر قالدىرۋ